ჩვენ ამ არჩევნებში ფანტასტიკური შედეგით ვიმარჯვებთ, - ამის შესახებ მოძრაობა „ძალა ერთობაშიას“ საპრეზიდენტო კანდიდატმა, გრიგოლ ვაშაძემ ქუთაისში გამართულ ბრიფინგზე განაცხადა.

მან საარჩევნო პროცესში დაფიქსირებულ დარღვევებზე ისაუბრა და მოქალაქეებს აქტიურობისკენ მოუწოდა.

„არჩვეულებრივი მხარდაჭერა და განწყობა აქვს ყველა ჩვენ მოქალაქეს, სადაც არ უნდა შევხვდეთ მათ. სულ უფრო და უფრო უმტკიცდება საქართველოს მოქალაქეს იმის განცდა, რომ ჩვენი სამშობლო დიდი ხანია ასე ახლოს არ ყოფილა პოზიტიურ ცვლილებებთან. ამიტომ თხოვნით მივმართავ ჩვენს თანამოქალაქეებს, ძალიან გთხოვთ მეგობრებო, მიბრძანდით 8 საათამდე, მიეცით ხმა, მოიხადეთ თქვენი კონსტიტუციური ვალი და რაც მთავარია გამოიყენეთ თქვენი კონსტიტუციური უფლება.

მაგრამ რა თქმა უნდა ჩვენ გამარჯვებას კარგად გრძნობს ქურდული ოცნება და ე.წ ხელისუფლებაც. ასობით შემთხვევაა უკვე დაფიქსირებული გაყალბების მცდელობისა. ასობით შემთხვევაა დაფიქსირებული ამომრჩევლის მოსყიდვისა, ეს სიები, ნივთიერი მტკიცებულებები ყველაფერი ატვირთული არის ჩვენს საიტზე, გადაცემული არის საერთაშორისო დამკვირვებლებისთვის და ყველას ვისაც აინტერესებს თავისი სამშობლოს ბედი, ყველას შეუძლია ნახოს.

უპირველეს ყოვლისა, მივმართავ ჩვენს თანამოქალაქეებს, მეგობრებო, 50 ლარი დაგეხარჯებათ ძალიან სწრაფად, ამ 50 ლარად თქვენ ყიდით შვილების და შვილიშვილების მომავალს. იმიტომ, რომ 50 ლარის დახარჯვის შემდეგ გაიღვიძებთ ზუსტად ისევ ისეთ ამაზრზენ რეალობაში, რომელშიც ჩვენ 6 წელიწადი ვცხოვრობდით.

მინდა მივმართო კომისიის წევრებს და დამკვირვებლებს - მეგობრებო, თქვენზე გადის ჩვენი სამშობლოს დაცვის ხაზი ამ წუთს. ნუ შეუწყობთ ხელს ქურდული "ოცნების" ე.წ. ხელისუფლებას, რომ ქართველი ხალხის არჩევანი და გამარჯვება მოიპაროს, გვერდში დაგიდგებით, ჩენ ყველაფერს ვაკეთებთ იმისთვის, რომ ეს არჩევნები ჩატარდეს ტრანსფარენტულად, გამჭვირვალედ და დემოკრატიის სტანდარტების შესაბამისად“, - განაცხადა გრიგოლ ვაშაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა