"ევროპული საქართველოს" პრეზიდენტობის კანდიდატის, დავით ბაქრაის განცხადებით, მეორე ტურის გამართვის ალბათობა მაღალია.

როგორც ბაქრაძემ ჟურნალისტებს განუცხადა, საზოგადოებას სჭირდება ცვლილებები და საიმედო ხვალინდელი დღე. 

„საზოგადოებას ნამდვილად სჭირდება ცვლილებები, სჭირდება უკეთესი და საიმედო ხვალინდელი დღე და რაც მთავარია, სჭირდება რომ მომავალი იყოს მშვიდობიანი და ყოველგვარი დაპირისპირების გარეშე. დარწმუნებული ვარ, რომ ჩვენი ხალხი, ჩვენი ამომრჩეველი მხარს დაუჭერს მშვიდობიან, უკეთეს, საიმედო და ევროპულ ხვალინდელ დღეს. ეს არის ის, რაც ყველას გვინდა საქართველოში. მეორე ტური, რა თქმა უნდა, შესაძლებელია და უფრო მეტსაც ვიტყვი, მაღალი ალბათობა არსებობს მეორე ტურის და დაველოდოთ, ნუ გავასწრებთ მოვლენებს, მე ვიბრძვი გამარჯვებისთვის, იქნება ეს პირველი თუ მეორე ტური“, - განაცხადა დავით ბაქრაძემ.

ბაქრაძის თქმით, საქართველოს პირდაპირი წესით არჩეული პრეზიდენტი სჭირდება და სწორედ ეს იყო მიზეზი, რის გამოც მათ ახალ კონტიტუციას ხმა არ მისცეს.

„მიგვაჩნია, რომ საქართველოს სჭირდება პირდაპირ არჩეული პრეზიდენტი, რომელიც ანგარიშვალდებული იქნება მოსახლეობასთან, რომელიც გაითვალისწინებს იმ განწყობას და მოლოდინს, რაც მოსახლეობას აქვს. სწორედ ამიტომ, „ქართული ოცნების მხრიდან პრეზიდენტის პირდაპირი არჩევნების გაუქმებას ვაფასებ უარყოფითად“, - განაცხადა დავით ბაქრაძემ.

 დავით ბაქრაძემ ხმა პეტრიაშვილის ქუჩაზე მდებარე N 27 საარჩევნო უბანზე მისცა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა