„მთავრობამ მიიღო გადაწყვეტილება, რომ მოვახდინოთ როგორც შეკეთება, ისე მოდერნიზება იმ არსებული რესურსებისა, რაც ავიაციაში გაგვაჩნია“, - ამის შესახებ თავდაცვის მინისტრმა ლევან იზორიამ უწყებაში გამართულ პრესკონფერენციაზე განაცხადა.

როგორც  მინისტრმა აღნიშნა, მოდერნიზების შემდეგ ვეტრმფრენები აღჭურვილი იქნება როგორც თავდაცვითი მისიების შესასრულებლად, ისე კრიზისულ ვითარებაში მოქმედებისთვის.

„მთავრობამ მიიღო გადაწყვეტილება იმასთან დაკავშირებით, რომ ჩვენ მაქსიმალურად გამოვიყენოთ ამერიკის შეერთებული შტატების გრნატი, საუბარია 9 მილიონ ამერიკულ დოლარზე, რათა მოვახდინოთ როგორც შეკეთება, ისე მოდერნიზება იმ არსებული რესურსებისა, რაც გაგვაჩნია ავიაციაში. ჩვენ წელს ბიუჯეტში გამოვყავით 23 მილიონი ლარი და სწორედ ეს  თანხები მოგვცემს შესაძლებლობას, მოვახდინოთ საავიაციო საშუალებების რემონტი და მოდერნიზება.

წელს უკვე საავიაციო საშუალებები აღჭურვილი იქნება არა მხოლოდ თავდაცვითი მისიების შესასრულებლად, არამედ კრიზისული სიტუაციებისთვის, მაგალითად ხანძარსაწინააღმდეგო საშუალებებით. თქვენ მოწმენი გახდით, რომ ეს აუცილებელია, მათ შორის ცეცხლის ჩაქრობის მიზნით. ჩვენ ეს აჭურვილობა გვექნება და ამ ტექნიკური საშუალებებით ჩვენს ვერტმფრენები, შვეულმფრენები შეძლებენ, როგორც თავდაცვითი ამოცანებისთვის, ისე ცალკეული კრიზისების დროს მოქმედებას. ასე რომ თანხები გამოყოფილია, ამას დასჭირდება გარკვეული დრო. სარემონტო სამუშაოები უნდა ჩატარდეს სპეციალურ ქარხნებში, ადგილზე ეს ვერ ჩატარდება. უნდა მოხდეს მათი ტრანსპორტირება, საუბარი ამერიკული წარმოების შვეულმფრენებზე და შემდეგ უკვე ახალი აღჭურვილობით დაუბრუნდება 15-წლიანი რესურსით საქართველოს. საუბარია 9 ვეტმფრენზე“, - განაცხადა ლევან იზორიამ.

ავტორი: ,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს