„თბილისი ჯერ კიდევ არ მიდის დიპლომატიური ურთიერთობების აღდგენაზე და საერთაშორისო არენაზე განაგრძობს ჩვენ საწინააღმდეგო საქმიანობას", - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა გამოცემა "იზვესტიასთვის" მიცემულ ინტერვიუში განაცხადა.

როგორც კარასინმა აღნიშნა, ოფიციალური მოსკოვი უკმაყოფილოა იმით, რომ საქართველო რუსეთის შეკავების მიზნით შექმნილ ნატო-ს სტრატეგიაში მონაწილეობს.

"პირდაპირ ვაფრთხილებთ ქართველ პარტნიორებს, რომ ამგვარი ქცევა საფრთხის ქვეშ აყენებს 2012 წელს დაწყებულ ურთიერთობების ნორმალიზების პროცესს, რომლის შედეგებითაც ორივე ქვეყნის მოქალაქეები სარგებლობენ“, - განაცხადა გრიგორი კარასინმა.

მანვე დასძინა, რომ პერსპექტივაში ორივე ქვეყანას შეუძლია უვიზო რეჟიმზე შეთანხმდეს.

"ჯერ კიდევ 2015 წელს საქართველოსთან სავიზო რეჟიმი მნიშვნელოვნად გამარტივდა. დღესდღეობით ამ ქვეყნის ნებისმიერ მოქალაქეს შეუძლია რუსეთში წასასვლელი ვიზა მიიღოს. არ გამოვრიცხავთ, რომ მომავალში უვიზო რეჟიმიც დაწესდეს. თუმცა ამის, პრაქტიკული რეალიზება ჯერჯერობით შეუძლებელია", - აღნიშნა კარასინმა.

მისივე თქმით, საგარეო ვაჭრობისა და ტრანსპორტის სფეროში პროგრესი აშკარაა.

"ვფიქრობ, 2018 წელს ვაჭრობის მოცულობის რეკორდი გვექნება, რაც 1 მილიარდ აშშ დოლარს მიაღწევს“, - დასძინა მან.

ავტორი: ,

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ