ავღანეთში, ბაგრამის საავიაციო ბაზაზე დაღუპული 7 ქართველი სამხედრო მოსამსახურის სულების მოსახსენიებელი პანაშვიდი გადაიხადეს.

თავდაცვის სამინისტროს ინფორმაციით, ღვთისმსახურება IV მექანიზირებული ბრიგადის 43-ე ბატალიონის კაპელანმა გაბრიელ ბარბაქაძემ ბაგრამის საავიაციო ბაზაზე არსებულ ქართულ სამლოცველოში აღავლინა. დაღუპული ქართველი ჯარისკაცების ხსოვნას 43-ე ბატალიონის სამხედრო მოსამსახურეებმა მიაგეს პატივი.

საქართველოს შეიარაღებული ძალების IV მექანიზირებული ბრიგადის 42-ე მსუბუქი ქვეითი ბატალიონის სამხედრო მოსამსახურეები - კაპრალები თეიმურაზ ორთავიძე, გიორგი ადამოვი, ბორის ცუგოშვილი, პირველი კლასის რიგითები ზურაბ გურგენაშვილი, ზვიად სულხანიშვილი, გიორგი ღუჭაშვილი და რიგითი მიხეილ ნარინდოშვილი ჰელმანდის პროვინციაში 2013 წლის 6 ივნისს მოწინავე საპატრულო ბაზა „ორბზე“ განხორციელებული თავდასხმის შედეგად დაიღუპნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება

ხვალ ეკლესიას ეყოლება ახალი პატრიარქი - მამა ანდრიამ გაფართოებული კრების დეტალები დააზუსტა

ევროპარლამენტი ევროკავშირში VPN-ების შეზღუდვას განიხილავს