„კუს ტბის გზაზე, რესტორან „ოტიუმის“ მოპირდაპირე მხარეს სასტუმრო არ აშენდება. მსგავს ტერიტორიაზე ნებისმიერი ტიპის მშენებლობა  კატეგორიულად  მიუღებელია“, - ამის შესახებ „ოტიუმთან“ მისულმა დედაქალაქის მერმა, კახა კალაძემ  განაცხადა.

თბილისის მერის თქმით, შპს „არმლენდერ ასოშიეტსი“-ს მშენებლობის ნებართვა მერიამ რამდენიმე თვის წინ შეუჩერა და კომპანია სამუშაოებს ნებართვის გარეშე აწარმოებდა.

„ჩვენ ახლა  კუს ტბის მიმდებარე ტერიტორიაზე ვიმყოფებით, რესტორან  „ოტიუმის“ წინ, სადაც მიწის საძირკვლის ამოღების სამუშაოები უნებართვოდ მიმდინარეობდა. ზედამხედველობის სამსახურში შემოვიდა შეტყობინება და რეაგირება მყისიერად მოხდა. აღნიშნულ ობიექტზე სამშენებლო ნებართვა არ არსებობს. ადრე იყო გაცემული  და ამჯერად ნებართვა გაბათილებულია. ჩემთვის კატეგორიულად მიუღებულია მსგავს ადგილებზე სამშენებლო პროექტების განხორციელება, მითუმეტეს კუს ტბის ტყეში. მე, როგორც ვიცი, აქ სასტუმრო უნდა აშენებულიყო“, - განაცხადა კალაძემ.

კახა კალაძემ მერის მოადგილეებს დაავალა,  ტერიტორიის მესაკუთრისთვის ადგილმონაცვლეობის შეთავაზების საკითხზე იმუშაონ.

„მე,  რა თქმა უნდა, მესმის მეპატრონის, ვისაც ეს მიწა თავის დროზე ნაყიდი აქვს. მისი ინტერესიც  არ უნდა დავაზიანოთ. ჩემს მოადგილეებს ვავალებ, რომ დღესვე დაუკავშირდნენ მას და დაიწყონ საუბარი ადგილმონაცვლეობაზე. არსებობს რაღაც პრინციპები, რომელსაც არ უნდა ვუღალატოთ.  ჩვენ ქალაქის განვითარების და მშენებლობის მომხრე ვართ, მაგრამ არა ისეთ ადგილებზე, რომლებიც ქალაქისთვის სასიცოცხლოდ მნიშვნელოვანია“- განაცხადა კახა კალაძემ.

კუს ტბის გზაზე, რესტორან „ოტიუმის“  მიმდებარე ტერიორიაზე მიმდინარე სამშენებლო სამუშაოებთან დაკავშირებით  შეტყობინება თბილისის მერიის ცხელ ხაზზე დღეს შემოვიდა, რაზეც მერიის ზედამხედველობის   სამსახურმა რეაგირება დაუყოვნებლივ მოახდინა. სამსახურის ადგილზე მისვლის შედეგად სამშენებლო სამუშაოები  შეჩერდა. 

ზედამხედველობის სამსახურის წარმომადგენლის განცხადებით, დოკუმენტაციის შესწავლის შემდეგ, კომპანიის მიმართ კანონით გათვალისწინებულ  ზომები იქნება მიღებული.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია