ხორავას ქუჩაზე მომხდარი მკვლელობის საქმეზე, დანაშაულის შეუტყობინებლობის ბრალდებით დაკავებული სამი პირი სასამართლომ პატიმრობიდან გაათავისუფლა.

როგორც ადვოკატმა იმედა ბეროშვილმა განაცხადა, სასამართლომ აღკვეთის ღონისძიების შეცვლის მოთხოვნა დააკმაყოფილა და სამივე ბრალდებულს პატიმრობა გირაოთი შეეცვალათ.

კერძოდ, თენგიზ კალანდია 5000 ლარიანი გირაოთი გათავისუფლდა, ზაქარია წინწკალაძე და გიორგი შაბურიშვილი კი 3 000-3 000-ლარიანი გირაოთი.

„სასამრთლომ მიიღო გადწყვეტილება, დაცვის მხარის შუამდგომლობა დააკმაყოფილა და ბრალდებულებს შეუფარდა გირაო 3000 ლარის ოდენობით. მიმალვის და ზომემოქმედების საფრთხე არსებობდა, მაგრამ სასამართლომ გადაწყვიტა, რომ აღნიშნული საფრთხეები აღარ არსებობს და დაუყონებლივ განთავისუფლდნენ ისინი დარბაზიდან“, - აღნიშნა ადვოკატმა.

პროკურორ გიორგი ქობულაძის განმარტებით, არანაირი არსებითი გარემოება არ გამოვლენილა და სასამართლოს არ უნდა მიეღო აღნიშნული გადაწყვეტილება.

მისივე თქმით, დანაშაულის დაფარვის ეპიზოდზე, მსჯავრდებული გ.ჯ. დაიკითხა.

„უნდა ყოფილიყო ახალი არსებითი გარემოება, რომ მოსამართლეს შეეცვალა აღკვეთის ღონისძიება, დღეს დაიკითხა მოწმის სახით გ.ჯ. რომელიც ისედაც იმყოფება პენიტენციალური დაწესებულებაში, ანუ მას თავისუფლების აღკვეთა აქვს შეფარდებული სასჯელის სახით, შესაბამისად მასზე ზემოქმედების საფრთხის გამო, ბრალდებულებს არ ჰქონდათ შეფარდებული აღკვეთი ღონისძიების სახით პატიმრობა, ანუ მასზე ზემოქმედებას მაინც ვერ მოხდენდნენ ისინი. აქედან გამომდინარე, დღეს არანაირი არსებითი გარემოება არ გამოვლენილა და სასამართლოს არ უნდა მიეღო ის გადაწყვეტილება, რაც მიიღო“, - განაცხადა საქმის პროკურორმა, გიორგი ქობულაძემ.

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე