„მტკიცებულებები, რომლითაც დადასტურდებოდა გიორგი ჭანტურიას მიერ მკვლელობის ჩადენის ფაქტი, არ არსებობს“, - ამის შესახებ გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას ადკოკატმა, ანი კეკენაძემ რუსთავში, ქვემო ქართლის სამხარეო პოლიციასთან ყოფნის დროს ჟურნალისტებს განუცხადა.

ადვოკატის თქმით, სამართალდამცველებმა მას საქმის მასალები არ გადასცეს და ამის მიზეზად დაუსახელეს ის, რომ ასლები ჯერჯერობით არ არის გადაღებული.

„გიორგი ჭანტურია აცხადებს იმას, რომ მას არ მოუკლავს სამსონ ქუთათელაძე და მას მკვლელობის საქმესთან არავითარი კავშირი არ გააჩნია. მტკიცებულებები საქმეში, რომელიც დაადასტურებდა გიორგი ჭანტურიას მიერ მკვლელობის ჩადენას, არ არსებობს. ის აღნიშნულ დანაშაულში არის აბსოლუტურად უდანაშაულო, უმოტოვოდ დაკავებული, რასთან დაკავშირებითაც, ჩვენ ვერსიებს შემოგთავაზებთ, მას შემდეგ, რაც უკვე გავეცნობით საქმის მასალებს. ვინაიდან მოწმეების ძირითადი ნაწილი გამოკითხულია იანვრის თვეში, თუმცა დარწმუნებული ვარ, რომ დღეს უკვე მათ შეცვლილი აქვთ ჩვენებები ისიც პოლიციის ზეწოლის მიერ, ჩადებულია იარაღებიც“, - აღნიშნა ადვოკატმა.

შეგახსენებთ, რომ შინაგან საქმეთა სამინისტროს ინფორმაციით, გენერალ სამსონ ქუთათელაძის მკვლელობის საქმე გახსნილია. უწყების ცნობით, გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია