საქართველოს პარლამენტის თავ,ჯდომარის ირაკლი კობახიძის განცხადებით, „ქართულ ოცნებას“ საპრეზიდენტო არჩევნებში საკუთარი კანდიდატი არ ეყოლება.

როგორც კობახიძემ პარტიის ოფისში გაართულ ბრიფინგზე განაცხადა, აღნიშნული გადაწყვეტილება გუნდში სრული კონსენსუსის საფუძველზე მიიღეს. 

"დღეს შედგა პარტიის შეხვედრა, სადაც რამდენიმე მნიშვნელოვანი პოლიტიკური საკითხი განვიხილეთ. მათ შორის მივიღეთ გადაწყვეტილება საპრეზიდენტო არჩევნებში "ქართული ოცნების" მონაწილეობის თეობაზე. მსჯელობის საფუძველზე საერთო ტანხმობით მიღებული იქნა პრინციპული გადაწყვეტილება, რომ "ქარტული ოცნება" არ წარადგენს თავის კანდიდატს საპრეზიდენტო არჩევნებში. აღიშნული გადაწყვეტილება იქნა მიღებული შემდეგ მოსაზრებებზე დაყრდნობით - საქართველოს კონსტიტუციის თანახმად, საქართველო არის საპარლამენტო რესპუბლიკა, სადაც ხალხის მიერ პოლიტიკური ძალაუფლების ლეგიტიმაცია ხორციელდება საპარლამენტო არჩევნების საფუძველზე. ხალხი ირჩევს პარლამენტს, რომელიც განსაზღვრავს ქვეყნის საშინაო და საგარეო პოლიტიკის ძირითად მიმართულებებ და აყალიბებს მთავრობას, რომელიც ახორციელებს ქვეყნის საშინაო და საგარეო პოლიტიკას. ამ სისტემაში პრეზიდენტს არ აქვს მინიჭებული პოლიტიკური ძალაუფლება და მას არსებითად ეკისრება წარმომადგენლობითი ფუნქციები. საპარლამენტო სისტემაში პრეზიდენტი არც განსაზღვრავს სახელმწიფო პოლიტიკას და არც ახორციელებს მას. იგი ვერ წარსდგება პოლიტიკური პროგრამით საზოგადოების წინაშე. საპარლამენტო დემოკრატიაში პრეზიდენტი უნდა იყოს პოლიტიკურად ნეიტრალური, ზეპარტიული, უმაღლესი თანამდებობის პირი, რომელიც არ ერთვება პარტიულ, პოლიტიკურ დაპირისპირებაში, არამედ თვალყურს ადევნებს და ობიექტურად აფასებს ქვეყნის მდგომარეობის უმიშვნელოვანეს საკითხებს. პრეზიდენტის პოსტზე პარტიული კანდიდატის არჩევის პირობებში, პრეზიდენტს გაუჭირდება პოლიტიკური ნეიტრალიტეტის შენარჩუნება და მისთვის კონსტიტუციით დაკისრებული ფუნქციის სათანადოდ შესრულება. პრეზიდენტის პოსტზე "ქართული ოცნების" კანდიდატის არჩევა მით უფრო არასასურველია დღეს, იმ პირობებში, როდესაც "ქართული ოცნება" მყარი უმრავლესობით არის წარმოდგენილი ცენტრალურ ხელისუფლებასა და თვითმმართველობის ორგანოებში. ყოველივე ამის გათვალისწინებით, მიუხედავად იმისა, რომ ჩვენ გვყავს არა ერთი კანდიდატი, რომელსაც პირველივე ტურში დამაჯერებელი გამარჯვების მოპოვება შეუძლია, "ქართული ოცნება" უარს ამბობს საპრეზიდენტო არჩევნებში თავისი კანდიდატის წარდგენაზე. ამასთან ჩვენ ვაცნობიერებთ, როგორც მმართველი პარტიის პასუხისმგებლობას საზოგადოების წინაშე. ამ პასუხისმგებლობის გათვალისწინებით "ქართულ ოცნებას" ექნება მკაფიო პოზიცია საპრეზიდენტო არჩევნებთან დაკავშირებით. ჩვენ შესაძლოა ღიას დავუჭროთ მხარი არჩევნებში მონაწილე, რომელიმე უპარტიო, დამოუკიდებელ კანდიდატს ან შესაძლოა, სულაც უარი ვთქვათ, რომელიმე კანდიდატის მხარდაჭერაზე თუ აშკარა იქნება, რომ ჩვენი აქტიური ჩარევის გარეშეც შესაძლებელი იქნება პრეზიდენტის თანამდებობაზე დამოუკიდებელი კანდიდატის არჩევა. შევთანხმდით, რომ ამ უკანასკნელ საკიტხზე გადაწყვეტილება, საზოგადოებისთვის ცნობილი გახდება მოგვიანებით, როდესაც საპრეზიდენტო კანდიდატთა სრული სპექტრი იქნება დასახელებული. ჩვენი დრევანდელი გადაწყვეტილება, შეიტანს უდიდეს წვლილს პრეზიდენტის ინსტიტუტის განვითარების სწორი ტრადიციის ჩამოყალიბებაში", - განაცხადა კობახიძემ. 

ავტორი: ,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს