პარლამენტის ჯანდაცვის კომიტეტის თავმჯდომარის აკაკი ზოიძის ინფორმაციით, C ჰეპატიტის ელიმინაციის პროგრამა 2020 წლიდან ფასიანი გახდება.

ზოიძის განცხადებით, ამ დროისთვის 150 ათას ადამიანს აღნიშნული დაავადება აქვს. მან ყველა მოქალაქე მოუწოდა სკრინინგი ჩაიტარონ და განმარტა, რომ დაავადების დროულად აღმოჩენის შემთხვევაში მისი მკურნალობა უფრო მარტივია.

" C ჰეპატიტის ელიმინაციის პროგრამა არის უნიკალური. საქართველოში სამწუხაროდ ძალიან მაღალია C ჰეპატიტით ავადობა და ეს არის 90-იანი წლების პირდაპირი შედეგი, არა მხოლოდ ნარკოდამოკიდებულების თვალსაზრისით არამედ ჰიგიანის ამბავშიც. საუბარი მაქვს თუნდაც სალონების მიერ ჰიგიენის დაცვაზე. ამიტომ, 150 ათასამდე ადამიანს აქვს ეს დაავადება. ანუ დაახლოებით 30-დან 60 წლამდე ასაკის ადამიანებს 10-15 წელიწადში სიკვდილი ემუქრება, თან საკმაოდ არასასიამოვნო ფორმით. ეს არის უნიკალური შესაძლებლობა, რომ მოქალაქეებმა 80-90 ათასის ღირებულების წამალი აბსოლუტურად უფასოდ მიიღონ. ამ დაავადების დიაგნოსტიკისთვის მოქალაქეს დასჭირდება მაქსიმუმ 200 ლარი. საოცრებაა, რომ 65 ათასმა ადამიანმა, რომელმაც გამოიკვლია და იმკურნალა, მათში 98 პროცენტამდე განკურნება ფიქსირდება. ასევე საოცრებაა, რომ 25 ათასმა ადამიანმა იცის რომ აქვს ჰეპატიტი და არ მკურნალობს. ეს ადამიანები უნდა მოვიყვანოთ სამკურნალოდ, რადგან ეს იქება 25 ათასი გადარჩენილი სიცოცხლე. მათ არ იციან რამდენად მძიმეა ეს დაავადება, რადგან ჯერ არაფერი აწუხებთ. როდესაც არ მკურნალობ, ეს იმას ნიშნავს, რომ შენს ირგვლივ მყოფ ადამიანებს, ვისაც უყვარხარ - მათ აღალატებ. ეს უნიკალური შესაძლებლობაა, რადგან ხოლო 2020 წლის შემდეგ ეს პროგრამა აღარ იქნება უფასო. მილიონი ინსინუაცია იყო, რომ თურმა რადგან უფასოა ეს პროგრამა ადამიანებზე ექსპერიმენტებს ატარებენ და ასე შემდეგ. ჩვენი ოკუპანტი ქვეყანა ვერ ახერხებს, რომ საკუთარ მოქალაქეებს უმკურნალოს და უამრავ ფულს ხარჯავს მარტო იმაში, რომ დისკრედიტაცია გაუკეთოს ამ პროგრამას საქართველოში. მე მინდა მოქალაქეებს მოვუწოდო, რომ მოვიდნენ და ჩაიტარონ სკრინინგი. 2020 წლის შემდეგ ეს პროგრამა გახდება ფასიანი. მისი იდეა დღესდღეობით არის ის, რომ დავიყვანოთ დაავადების ავადობა იმ დონეზე რომ აღარ იყოს გავრცელებული ჩვენს ქვეყანაში და მასობრივი პრობლემა მოისპობა", - განაცხადა აკაკი ზოიძემ

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია