საქართველოსა და ომანის სასულთნოს შორის პირდაპირი ავიამიმოსვლა დაიწყო. თბილისი-მასკატი-თბილისის მიმართულებით კვირაში სამჯერ რეისებს ომანის დაბალბიუჯეტიანი ავიაკომპანია Salam Air ასრულებს.

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანება“ Salam Air-თან მოლაპარაკებებს 2015 წლიდან აწარმოებდა.

სასტუმროში „ჰოთელს & პრეფერენს ჰუალინგ თბილისი“ პრეზენტაცია გაიმართა, რომელიც ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ დირექტორმა ქეთევან ალექსიძემ გახსნა.

ქეთევან ალექსიძის განცხადებით, ომანის სასულთნოსა და საქართველოს შორის პირდაპირი რეისების განხორციელება ხელს შეუწყობს ორ ქვეყანას შორის ტურიზმის სფეროს განვითარებას, სავაჭრო-ეკონომიკური თანამშრომლობის გაღრმავებას და ახალი ბიზნესურთიერთობების ჩამოყალიბებას.

,,ბოლო პერიოდის განმავლობაში საქართველოს საავიაციო ბაზარი ძალიან სწრაფად ვითარდება. 2018 წელი ამ კუთხით საკმაოდ წარმატებულია. საქართველოს ყველა აეროპორტში მგზავრთნაკადის უპრეცედენტო ზრდა დაფიქსირდა.მგზავრთნაკადის მნიშვნელოვანი ზრდა გვაქვს სპარსეთის ყურის ქვეყნებიდან. მხოლოდ 2018 წლის ოთხ თვეში ომანიდან საქართველოს აეროპორტებში მგზავრთნაკადი 23 % გაიზარდა და 6, 237 მგზავრი შეადგინა. იმედი გვაქვს, რომ წლის ბოლომდე სტატისტიკა კიდევ უფრო გაუმჯობესდება, იმის გათვალისწინებით, რომ ამჯერად ტრანზიტულ მიმოსვლას, მასკატიდან თბილისის მიმართულებით პირდაპირი საჰაერო მიმოსვლაც ემატება. 15 ივნისიდან უკვე დაიწყო ფრენები მასკატი-თბილისის მიმართულებით ომანის დაბალბიუჯეტიანმა ავიაკომპანია სალამ-ეარმა ომანის სასულთნოში,-‘’განაცხადა ქეთევან ალექსიძემ.

საქართველოსა და ომანის სასულთნოს შორის ტრანზიტული მგზავრთნაკადის სტატისტიკა ბოლო წლებში საგრძნობლად გაუმჯობესდა. 2015 წელს ომანის სასულთნოდან ტრანზიტით 4,068 მგზავრი შემოვიდა. 2016 წელს ამ კუთხით რეკორდული ზრდა, 297 % დაფიქსირდა და 16, 162 მგზავრი შეადგინა. 2017 წელს 39 % ზრდაა ამ მიმართულებით და 22, 439 მგზავრი.

დაბალბიუჯეტიანი ავიაკომპანია Salam Air  2016 წელს დაფუძნდა. დღესდღეობით ავიაკომპანია მსოფლიოს 7 მიმართულებით კვირაში 116 რეისს ასრულებს.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია