დარგობრივი ეკონომიკისა და ეკონომიკური პოლიტიკის კომიტეტში  კომიტეტთან არსებული „სივრცის დაგეგმვისა და არქიტექტურულ-სამშენებლო სფეროსთან დაკავშირებულ საკითხებზე მომუშავე სამეცნიერო-საკონსულტაციო საბჭოს" სხდომა გაიმართა.

კომიტეტის თავმჯდომარემ, რომან კაკულიამ საბჭოს წევრებთან ერთად საქართველოს მთავრობის სტრუქტურული რეორგანიზაციის საკითხებზე იმსჯელა.

„მთავრობა და პარლამენტი უახლოესი კვირების განმავლობაში შეიმუშავებენ ოპტიმალური ორგანიზაციული სტრუქტურის მოდელს, რომელმაც ადეკვატურად უნდა უპასუხოს დღევანდელ მოთხოვნებს და გამოწვევებს. ამ პროცესში ზუსტად უნდა განისაზღვროს, როგორი იქნება სამშენებლო საქმიანობის მაკოორდინირებელი პოლიტიკის განმსაზღვრელი სტრუქტურული ერთეული. უნდა შენარჩუნდეს ისეთი სახით, როგორც დღეს არის თუ შესაძლებელია რაიმე, უფრო ოპტიმალური  ვარიანტი შევთვაზოთ პრემიერ-მინისტრს",-განაცხადა რომან კაკულიამ.

დარგის სპეციალისტებმა და ექსპერტებმა დეტალურად განიხილეს ყველა შესაძლო ვერსია, თუ რომელ სტრუქტურაში უნდა მოხდეს მშენებლობის სფეროს კოორდინირება.

დარგობრივი ეკონომიკისა და ეკონომიკური პოლიტიკის კომიტეტი და მასთან არსებული საკონსულტაციო საბჭო შესაბამის რეკომენდაციას შეიმუშავებს, რომლითაც პრემიერ-მინისტრს  სამომავლო ცვლილებებთან დაკავშირებით საკუთარ ხედვას შესთავაზებს.

ავტორი: ,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა