პარლამენტის ვიცე-სპიკერის თამარ ჩუგოშვილის ინფორმაციით, "ქართული ოცნების" ოფისში, სადაც მმართველი გუნდი კონსულტაციებს მართავს, მთავრობის შემადგენლობის ფორმაზე მსჯელობენ.

როგორც ჩუგოშვილმა ჟურნალისტებთან საუბრისას განმარტა, სამუშაო შეხვედრის დროს კონკრეტულ პირებზე საუბარი არ ყოფილა, თუმცა დასძინა, რომ საკითხი მთავრობის რესტრუქტურიზაციას ეხება.  

"დღეს პრემიერ-მინისტრმა უმრავლესობის ბიურისთან მთავრობის სტრუქტურულ ცვლილებებთან დაკავშირებით კონსულტაციები დაიწყო. აღნიშნული ცვლილებები მოგვიანებით პარლამენტში იქნება წარდგენილი. კონსულტაციების პროცესში განვიხილავთ რა ფორმით იქნება ყველაზე ეფექტური და სწორი სხვადასხვა უწყებების ოპტიმიზაცია. დისკუსიების დასრულების შემდეგ გახდება ცნობილი თუ რა სამინისტროებზეა საუბარი. რაც შეეხება პარტიის თავმჯდომარეს, ბიძინა ივანიშვილი შეხვედრას არ ესწრება, რადგან ეს არის პრემიერ-მინისტრის და პარლამენტის წევრების შეხვედრა. ერთ-ერთი მთავარი პრობლემა იყო მთავრობის და პარლამენტის ეფექტური ურთიერთობა და ეს შეხვედრაც არის კარგი მაგალითი იმისა, რომ სწორი ნაბიჯები ამ მიმართულებით გადაიდგმევა. დღევანდელ შეხვედრაზე სახელებზე და კანდიდატებზე საუბარი არ მიმდინარეობს. ეს შეხვედრა ემსახურება იმის განხილვას, რომ გადაწყდეს თუ რა უწყებები გვჭირდება, რათა მიზანს მივაღწიოთ. ვსაუბრობთ იმაზე, თუ რა ფორმას მიიღებს მთავრობის შემადგენლობა", - განაცხადა თამარ ჩუგოშვილმა.

ავტორი: ,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა