გიორგი მარგველაშვილი: არჩილ ტატუნაშვილის მკვლელობას საკადრისი პასუხი უნდა გაეცეს

2018-06-08 17:05:29, 1860 ნახვა

პოლიტიკა

არჩილ ტატუნაშვილის მკვლელობას, აუცილებლად, საკადრისი პასუხი უნდა გაეცეს,- ამის შესახებ საქართველოს პრეზიდენტმა, გიორგი მარგველაშვილმა, სამხრეთ კავკასიაში ეუთო-ს სპეციალურ წარმომადგენელს გიუნტერ ბეხლერს განუცხადა.

შეხვედრა დღეს, პრეზიდენტის სასახლეში გაიმართა.

გიორგი მარგველაშვილმა ჟენევის მოლაპარაკებებსა და სხვა საერთაშორისო ფორმატებში არჩილ ტატუნაშვილის მკვლელობის საკითხის წინა პლანზე წამოწევის აუცილებლობაზე ისაუბრა და აღნიშნა, რომ ამ მკვლელობას აუცილებლად საკადრისი პასუხი უნდა გაეცეს.

შეხვედრისას საუბარი შეეხო ოკუპირებულ ტერიტორიებზე არსებულ უსაფრთხოების გარემოს, რუსეთის ფედერაციის მცდელობებს შეუზღუდოს მოძრაობის თავისუფლება ოკუპირებულ ტერიტორიებზე მცხოვრებ მოქალაქეებს.

ეროვნული უშიშროების მდივნის დავით რაქვიაშვილის განცხადებით, შეხვედრისას პრეზიდენტმა განიხილა რუსეთი პროპაგანდის მეთოდები, რომლის მიზანიც საქართველოში საზოგადოების გახლეჩაა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები