ხორავას ქუჩაზე მოზარდების მკვლელობის საქმეზე სასამართლოს პირველი ჩვენება იმ არასრულწლოვანმა მისცა, რომელსაც პროკურატურა განზრახ მკვლელობას ედავება.

ერთ-ერთი მოკლულის მამის, ზაზა სარალიძის განცხადებით, პროცესზე არასრულწლოვანმა საქმეში პროკურორ მირზა სუბელიანის ჩარევა დაადასტურა.

„მოწმის ნათქვამით მიხეილ კალანდიას ქურთუკის მკლავზე დაინახა სისხლი და ასევე რაღაც საგანი რაც ხელში ეჭირა. პლიუს ამას,  დაადასტურა  მირზა სუბელიანთან შეხვედრა. როდესაც მირზა სუბელიანი მივიდა კალანდიების სახლში, მიესალმა კიდევაც მას და შემდეგ უკვე როდესაც სახლიდან გადიოდა, კალანდიამ უთხრა, რომ „ბიძაჩემი ხომ იცი რა მაგარი პროკურორია, თვითონ დაალაგებს ამ საქმესო“. ეს უკვე საკმაო ინფორმაცია არის. მირზა სუბელიანზე ჯერ აქამდე უნდა დაწყებულიყო სამართლებრივი დევნა, მაგრამ უკვე კიდევ ერთი მოწმიდან არის დადასტურებული მისი იქ ყოფნა და საქმეში უხეშად ჩარევა“, - განაცხადა ზაზა სარალიძემ.

შეგახსენებთ, პირველ დეკემბერს, ხორავას ქუჩაზე სკოლის მოსწავლეებს შორის მომხდარი დაპირისპირებისას ორი არასრულწლოვანი ცივი იარაღით დაჭრეს. ერთი მოზარდი ადგილზე დაიღუპა, მეორე კი საავადმყოფოში გადაიყვანეს, თუმცა მძიმე ჭრილობების გამო, ექიმებმა მისი გადარჩენა ვერ შეძლეს. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაშია მიცემული.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია