„დღეს ჩვენს ქალაქს კიდევ ერთი მნიშვნელოვანი საცხოვრებელი კომპლექსი შეემატა, რაც სახელმწიფოსა და კერძო სექტორს შორის თანამშრომლობის კიდევ ერთი ძალიან კარგი მაგალითია“, - ამის შესახებ პირველმა ვიცე-პრემიერმა, დიმიტრი ქუმსიშვილმა  თბილისში პრემიუმ კლასის საცხოვრებელი კომპლექსის, „თბილისი გარდენის“ გახსნის ღონისძიებაზე განაცხადა.

„ჩვენ ვხედავთ, რომ კომპლექსი ნამდვილად ქმნის ყველა პირობას იმისთვის, რომ ადამიანმა იცხოვროს მწვანე გარემოში და ამავე დროს, მიიღოს ყველა ის აუცილებელი და ცოტა მეტი პირობაც, რომელიც საცხოვრებლად არის საჭირო. მინდა ჩვენს ქალაქს, კომპანიის დამფუძნებლებს, მის  მენეჯმენს მივულოცო ეს წარმატებული პროექტი, ასევე იმ ადამიანებს, ვისაც ექნება აქ ცხოვრების შესაძლებლობა“, - აღნიშნა დიმიტრი ქუმსიშვილმა.

პრემიუმ კლასის საცხოვრებელი კომპლექსის ასაშენებლად, პირველ ეტაპზე, პირდაპირი უცხოური ინვესტიციის სახით დაახლოებით 30 მილიონი დოლარი დაიხარჯა. კომპლექსი შექმნა კომპანია   BD Property-მ, რომელიც 1,3 მლრდ აშშ დოლარის კაპიტალის მქონე უძრავი ქონების საინვესტიციო ფონდის, „Quadrum Property Group“-ის წარმომადგენელია საქართველოში. ამ ფონდს ეკუთვნის ასევე სავაჭრო - გასართობი ქალაქი „ისტ პოინტი.“

კომპანიის წარმომადგენლების ინფორმაციით, მხოლოდ „თბილისი გარდენის“ პროექტმა 3000 ახალი სამუშაო ადგილი შექმნა.

„მშენებლობის სექტორი საქართველოს ეკონომიკის განვითარების ერთ-ერთი ქვაკუთხედია. 2017 წელს მისი წილი მთლიან შიდა პროდუქტში  9.3% იყო. ამასთან, ფიქსირდება პირდაპირი უცხოური ინვესტიციების მნიშვნელოვანი ზრდა მშენებლობის სექტორში - 2017 წელს პირდაპირი უცხოური ინვესტიციების მოცულობამ   აღნიშნულ სექტორში 294.6 მილიონი აშშ. დოლარი შეადგინა და წინა წელთან შედარებით 114.0%-ით გაიზარდა. ეს მაჩვენებელი პირდაპირი უცხოური ინვესტიციების მთლიანი მოცულობის 15,8 პროცენტია. შესაბამისად, დინამიურად იზრდება მშენებლობაში დასაქმებულთა რაოდენობაც - 2017 წლის მეოთხე კვარტალში, 2016 წლის ანალოგიურ პერიოდთან შედარებით, მშენებლობის სექტორში დასაქმებულთა რაოდენობა 11.8%-ით არის გაზრდილი  და  საანგარიშო პერიოდში ბიზნესსექტორის მთლიანი დასაქმების 11.1 პროცენტს შეადგენს“, - აღნიშნა დიმიტრი ქუმსიშვილმა მედიის წარმომადგენლებთან საუბრისას.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა