ევროპის საბჭოს საპარლამენტო ასამბლეამ განიხილა და მიიღო რეზოლუცია „ევროპაში იძულებით გადაადგილებულ პირთა ჰუმანიტარული საჭიროებები და უფლებების" შესახებ, - ამის შსახებ ინფორმაციას პარლამენტი ავრცელებს. 

რეზოლუციის იმ ნაწილში, რომელიც ეხება საქართველოს ოკუპირებულ ტერიტორიებს, საქართველოს საპარლამენტო დელეგაციამ თამარ ჩუგოშვილის ხელმძღვანელობით ცვლილებები შეიტანა დოკუმენტში და პირველად  ჩაიწერა რეზოლუციაში, რომ ევროკავშირის სადამკვირვებლო მისიას (EUMM) მიეცეს უფლება სრულად განახორციელოს მისი მანდატი საქართველოს საერთაშორისოდ აღიარებული საზღვრების ფარგლებში, რომ ქართველების ეთნიკური წმენდის ფაქტებთან დაკავშირებით რუსეთმა უნდა დაიწყოს გამოძიება და  მიიღოს შესაბამისი ზომები კონფლიქტების შედეგად იძულებით გადაადგილებულ პირთა  საკუთრების დაცვისა და  მომავალში ამ ქონების დაბრუნების მიზნით.

"ასამბლეა მოითხოვს, საოკუპაციო ხაზის გასწვრივ გაიხსნას უფრო მეტი ე.წ. გამშვები პუნქტი და შეწყდეს რუსი სამხედროების მხრიდან მავთულხლართებისა და სხვა ხელოვნური ბარიერების დამონტაჟების პროცესი, რაც ზღუდავს თავისუფალ გადაადგილებას.

აღნიშნულ რეზოლუციაში, საპარლამენტო ასამბლეა გმობს აფხაზეთიდან და სამხრეთ ოსეთის რეგიონებიდან  კონფლიქტების დროს მოსახლეობის ძალადობრივ გამოდევნას და მოითხოვს, რომ რუსეთის ფედერაციამ აღიაროს ყველა იძულებით გადაადგილებულ პირთა უსაფრთხო და ღირსეული დაბრუნების უფლება თავიანთ ტერიტორიებზე, მათ შორის მათი, რომლებიც იძულებულნი იყვნენ 2008 წლის ომის დროს დაეტოვებინათ ტერიტორია", - ნათქვამია ინფორმაციაში. 

ავტორი: ,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა