დიდი ბრიტანეთის პოლიციამ სერგეი სკრიპალისა და მისი ქალიშვილის მოწამვლაში მთავარი ეჭვმიტანილები გამოავლინა, - ამის შესახებ The Telegraph იუწყება.

როგორც სკოტლანდ-იარდში აცხადებენ, ეჭვმიტანილები რუსეთის ტერიტორიაზე იმყოფებიან.

მედია საშუალების ინფორმაციით, ეჭვმიტანილები იმ ადამიანების სიის ანალიზით დასახელდნენ, რომლებიც ბრიტანეთში ჩაფრინდნენ და მოწამლვის ფაქტის შემდეგ ქვეყანა დატოვეს.

მანამდე რუსეთის საგარეო საქმეთა მინისტრი სერგეი ლავროვი ირწმუნებოდა, რომ შვეიცარიელმა სპეციალისტებმა ქიმიური იარაღის აკრძალვის ორგანიზაციისგან (OPCW) სოლსბერიში შემთხვევის ადგილიდან მოპოვებული ნიმუშები შეისწავლეს და დაასკვნეს, რომ სკრიპალები ნივთიერება BZ-თი მოწამლეს. მოგვიანებით შვეიცარიის ლაბორატორია Spiez-მა ეს ინფორმაცია არ დაადასტურა.

შეგახსენებთ, რომ სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. ამჟამად მამა-შვილი თავს კარგად გრძნობს.

სერგეი და იულია სკრიპალების მოწამვლის შემდეგ ბრიტანეთის პრემიერმა ტერეზა მეიმ გააკეთა განცხადება და რუსი ჯაშუშის ნერვულ-პარალიტიკური ნივთიერებით მოწამვლაში რუსეთი დაადანაშაულა. აღნიშნულს თანამედროვე ისტორიაში ერთ-ერთი ყველაზე დიდი დიპლომატიური სკანდალი მოჰყვა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს