საქართველოს ფინანსთა მინისტრის, მამუკა ბახტაძის განცხადებით, მთავრობის მიზანია, ქვეყანაში მიღწეულ იქნას ინკლუზიური ეკონომიკური ზრდა,   რომელიც შეეხება თითოეულ ოჯახს და თითოეულ მოქალაქეს შეეხება.
 
„დღეს ეს პრობლემა დგას და დგას, ძირითადად, რეგიონებში. ჩვენი მოქალაქეები ვერ ახერხებენ ბიზნესზე თავიანთი პროდუქციის რეალიზაციას. უმრავლეს შემთხვევაში, ეს არის სასოფლო-სამეურნეო საქონელი. ჩვენი ინიციატივის შედეგად, ეს საგადასახადო ბარიერი მოიხსნება და ბიზნესი წყაროზე დაბეგვრის გზის მექანიზმით, შეძლებს ჩვენი მოქალაქეებიდან იყიდოს ნებისმიერი ტიპის პროდუქცია და შესაბამისად, გამოქვითოს თავის ხარჯში," - განაცხადა ფინანსთა მინისტრმა.
 
მისი თქმით, მცირე და საშუალო ბიზნესის წახალისების კუთხით შემუშავებული საგადასახადო ინიციატივების საკითხზე, გაიმართა შეხვედრები რეგიონებში, სადაც  ბევრი აქტუალური და საინტერესო რეკომენდაცია და წინადადება იქნა მიღებული.
 
„დღეს, ჩვენ მიერ ინიცირებული თემაც სწორედ ასეთი აქტუალური საკითხია. ამასთან ერთად,  ინიციატივა გულისხმობს იმას, რომ პირები, რომლებიც არიან არა მცირე, არამედ მიკრომეწარმეები, მათაც ექნებათ ორგანიზებულ ბიზნესთან კონტრაქტების გაფორმების საშუალება ისე, რომ ბიზნესმა შემდგომში ეს ხარჯში გაითვალისწინოს," - აღნიშნა  მამუკა ბახტაძემ.  
 
ახალი ინიციატივის შესაბამისად, არამეწარმე ფიზიკური პირების მიერ წარმოებული საქონლის შესყიდვისას ფიზიკური პირის მიერ მიღებული შემოსავალი დაიბეგრება გადახდის წყაროსთან მინიმალური განაკვეთით, საქონლის შემძენი პირის მიერ. ასევე,  შეიცვლება საკანონმდებლო ნორმები, რომლებიც გარკვეულად უზღუდავს მსხვილ ბიზნესს  მცირე ბიზნესის მიერ წარმოებული პროდუქციის  შეძენას.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა