ფრაქცია " ქართული ოცნების" თავმჯდომარის მამუკა მდინარაძის შეფასებით, ტატუნაშვილის ცხედრის გადმოსვენებასთან დაკავშირებით, სამხრეთ ოსეთის ე.წ. პრეზიდენტის ანატოლი ბიბილოვის განცხადება აბსოლუტურად მიუღებელია და ყველა საერთაშორისო ნორმას ეწინააღმდეგება.

როგორც მდინარაძემ აღნიშნა, მიუხედავად ასეთი არალეგიტიმური განცხადებებისა, ქართული მხარე აკეთებს ყველაფერს, რომ რაც შეიძლება უმოკლეს დროში გადაეცეს ოჯახს ცხედარი.

 „ზუსტად ვერ გეტყვით, რა მიზანი ამოძრავებს ე.წ. პრეზიდენტს, როცა ასეთ განცხადებას აკეთებს, უფრო მნიშვნელოვანია, ჩვენ გვაქვს იგივე მოლოდინები იმიტომ, რომ ჩვენ ყველაფერს ვაკეთებთ ცხედრის ჩვენს კონტროლირებად ტერიტორიაზე გადმოსვენების მიზნით",-აღნიშნა მამუკა მდინარაძემ.

ცნობისთვის, ბიბილოვმა დღეს ჟენევის თანათავმჯდომარეებთან შეხვედრაზე განაცხადა, რომ არჩილ ტატუნაშვილის საკითხი „ძალიან პოლიტიზირებულია“. მანვე აღნიშნა, რომ ექსპერტიზის დასრულებამდე ტატუნაშვილის ცხედარს ოჯახს არ გადასცემენ.

ავტორი: ,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი