2018-03-04 21:41:44, 2056 ნახვა
სამართალი
შს მინისტრი ტატუნაშვილის ცხედრის გადმოსვენების კონკრეტულ თარიღს ვერ ასახელებს
შინაგან საქმეთა მინისტრი გიორგი გახარია ვერ ასახელებს კონკრეტულ ვადას, თუ როდის მოხდება არჩილ ტატუნაშვილის ცხედრის ოჯახთან გადასვენება. როგორც გახარიამ საზოგადოებრივი მაუწყებლის გადაცემაში "ახალი კვირა" განმარტა, ყველაფერი კეთდება იმისთვის, რომ სასურველი შედეგი მოკლე დროში დადგეს. გახარია ასევე მადლობას უხდის უწმინდესს, რომ ამ საქმეში ჩაერთო და მიიჩნევს, რომ მისი ეს ნაბიჯი დროული იყო. "დიდ იმედს ვამყარებთ მის ჩართულობაში",-აღნიშნავს მინისტრი. გახარია ასევე გამოეხმაურა განცხადებებს ცენტრალური მაგისტრალის გადაკეტვასთან დაკავშირებით და თქვა, რომ ოჯახი, რომელიც ყველაზე მეტადაა დაზარალებული, ყველაზე გაგებით ეკიდება მიმდინარე პროცესებს. "ყველაზე ტრაგიკულ მდგომარეობაში მყოფი ოჯახი ყველაზე დიდი თვითშეგნებით ეკიდება ამ ყველაფერს.არსებობენ სამწუხაროდ ადამიანები, რომლებიც გარკვეულ პოლიტიკურ ელფერს სძენენ მას",-ამბობს გახარია.
![]()
ავტორი: ,
epn.ge (@expressnews.ge)
