თბილისის საკრებულოს წევრს თემურ გორგაძეს, რომელიც ქრთამის აღების ფაქტზე დააკავეს, ბრალი ოფიციალურად წარედგინა.

თემურ გორგაძეს ბრალად თაღლითობა ედება.

როგორც დაკავებულის ადვოკატმა გიორგი ქუმსიაშვილმა განაცხადა, მისთვის გაუგებარია, თუ რას უკავშირდება მუხლის გადაკვალიფიცირება.

ქუმსიაშვილის განმარტებით, დეპუტატი თავდაპირველად ქრთამის აღების მუხლით დააკავეს. მანვე დასძინა, რომ მისი დაცვის ქვეშ მყოფი ბრალს არ აღიარებს.

"მას ბრალდება წარედგინა სსკ-ის 180-ე მუხლის მესამე ნაწილით, ეს თაღლითობას გულისხმობს. საქმის მასალები გადმოგვცეს. ჩემი დაცვის ქვეშ მყოფი ბრალს არ აღიარებს და დუმილის უფლებას იყენებს. ამასთან, ის მზად არის  გამოძებასთან ითანამშრომლოს. ყველანაირად შევეცდებით, რომ ჩვენი სიმართლე დავამტკიცოთ", - განაცხადა საკრებულოს დეპუტატის ადვოკატმა.  

შეგახსენებთ, რომ გუშინ, სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების  შედეგად, ქრთამის აღების ფაქტზე ქალაქ თბილისის საკრებულოს წევრი, კრწანისის რაიონის მაჟორიტარი დეპუტატი თემურ გორგაძე დააკავეს. უწყების ინფორმაციით, გამოძიებამ დაადგინა, რომ თემურ გორგაძემ საქართველოს მოქალაქეს, მისი ნათესავის  შეწყალების კომისიის მეშვეობით პატიმრობიდან განთავისუფლების სანაცვლოდ ქრთამის სახით მოსთხოვა 7000 ამერიკული დოლარი.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა