იან კელი: საქართველოს ნატო-ში გაწევრიანების საკითხი სხვა ქვეყნებზე დამოკიდებული არ უნდა იყოს

2018-01-30 13:24:19, 1776 ნახვა

კომენტარი

ამერიკის შეერთებული შტატების ელჩის იან კელის განცხადებით, საქართველოს ნატო-ში წევრობის საკითხი სხვა ქვეყნებზე დამოკიდებული არ უნდა იყოს.

შესაბამისი განცხადება ელჩმა Heritage Foundation-ის ანგარიშის კომენტირებისას გააკეთა რომლის მიხედვით, საქართველოს წევრობა ნატოს და ევროკავშირის ინტერესებშია.

"ამერიკის შეერთებული შტატები მტკიცედ უჭერს მხარს საქართველოს ევროატლანტიკურ ინტეგრაციას. ამერიკა არის მტკიცე მხარდამჭერი იმისა, რომ საქართველო ნატოს წევრი გახდეს. თვითონ ნატოს ზოგიერთ წევრ ქვეყანაში არსებობს მოსაზრება, რომ საქართველოს წევრობამ შეიძლება რუსეთის გაღიზიანება გამოიწვიოს, თუმცა საქართველო არის სუვერენული, დამოუკიდებელი სახელმწიფო, რომელმაც თავად უნდა მიიღოს გადაწყვეტილება, რა სურს და არ უნდა იყოს დამოკიდებული სხვა ქვეყანაზე. შესაბამისად, ჩვენ მხარს ვუჭერთ საქართველოს მისწრაფებებს და მის სუვერენულ გადაწყვეტილებას",- განაცხადა იან კელიმ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები