მოსკოვში პოლიციამ ალექსეი ნავალნი დააკავა

2018-01-28 16:46:08, 2702 ნახვა

მსოფლიო

მოსკოვში, ტვერის ქუჩაზე პოლიციელებმა პოლიტიკოსი ალექსეი ნავალნი დააკავეს. ამის შესახებ პოლიტიკოსმა „ტვიტერის“ საკუთარ გვერდზე დაწერა.

„მე დამაკავეს. ამას მნიშვნელობა არ აქვს. მოდით ტვერის მოედანზე. თქვენ ჩემთვის კი არა, თქვენთვის და საკუთარი მომავლისთვის გამოდიხართ“, - დაწერა ნავალნიმ.

ნავალნი, მოსკოვში პუშკინის მოედნის მიმდებარედ დააპატიმრეს. მანამდე ის რამდენიმე წუთის განმავლობაში მხარდამჭერებთან ერთად მსვლელობაში მონაწილეობდა.

პოლიტიკოსის დაკავებამდე საპროტესტო აქციაზე "ამომრჩევლების გაფიცვა", რომელიც 28 იანვარს მთელი რუსეთის მასშტაბით მიმდინარეობს, დაახლოებით 90 ადამიანი დააპატიმრეს. ნავალნიმდე პოლიციამ ტვერის ქუჩაზე სხვა აქტივისტებიც დააპატიმრა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები