2017-10-28 15:56:26, 2663 ნახვა
მსოფლიო
ავღანეთში, ვერტმფრენის ჩამოვარდნის შედეგად, ნატო-ს ჯარისკაცი დაიღუპა
ავღანეთში, ვერტმფრენის ჩამოვარდნის შედეგად, ნატო-ს სამხედრო მოსამსახურე დაიღუპა, - ამის შესახებ AP იუწყება.
მედია საშუალების ინფორმაციით, ინციდენტი პროვინცია ლოგრში, პარასკევს საღამოს მოხდა.
მედიის ცნობით, დაღუპული ამერიკელი სამხედრო იყო. მან ვერტმფრენის ჩამოვარდნის დროს, სხვადასხვა სახის დაზიანებები მიიღო, რის გამოც, მისი გარჩენა ვერ მოხერხდა.
გარდა ამისა, ვერტმფრენის ჩამოვარდნის შედეგად ეკიპაჟის კიდევ 6 წევრი დაშავდა. ისინი ადგილობრივ ჰოსპიტალში გადაიყვანეს.
მომხდარს ჩრდილოატლანტიკური ალიანსის წარმომადგენლობა უკვე გამოეხმაურა. მათი განცხადებით, შეუძლიათ ნამდვილად თქვან, რომ ვერტმფრენი არ ჩამოუგდიათ. კატასტროფის ზუსტი მიზეზი ჯერჯერობით უცნობია. მიმდინარეობს გამოძიება.
![]()
ავტორი: ,
epn.ge (@expressnews.ge)
