სოციალურმა ქსელმა Twitter-მა, Russia Today-ს და Sputnik-ს ნებისმიერი სახის სარეკლამო პოსტების განთავსება აუკრძალა, - ამის შესახებ BBC იუწყება.

როგორც კომპანიაში განმარტავენ, გადაწყვეტილება ამერიკის დაზვერვის სამსახურის დასკვნების საფუძველზე მიიღეს. მათ დაადგინეს, რომ ორივე რუსული ორგანიზაცია 2016 წელს აშშ-ს საპრეზიდენტო არჩევნებზე გავლენის მოხდენას ცდილობდა.

მედიის ცნობით, აშშ-ს დაზვერვის თანახმად, რუსეთის ხელისუფლებამ დემოკრატიული პარტიის კანდიდატის, ჰილარი კლინტონის წინააღმდეგ ჰაკერული თავდასხმები განახორციელა. ასევე, რუსეთის სახელმწიფო საინფორმაციო სააგენტოები უარყოფითად აშუქებდნენ კლინტონის წინასაარჩევნო კამპანიას.

მედია საშუალების ინფორმაციით, ამერიკის არჩევნებში რუსეთის სავარაუდო ჩარევის შესახებ ანგარიში 2017 წლის იანვარში გამოქვეყნდა.

ამასთან, Twitter-ის ხელმღვანელობამ განაცხადა, რომ ყველა სახის, მათ შორის პოლიტიკური რეკლამის განთავსებაზე ახალ წესებს შემოიღებს.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით