„როდესაც არ არის მაკონტროლებელი და დამაბალანსებელი, მაშინ ნებისმიერი პოლიტიკური ძალისთვის ძალიან ძნელი პერიოდი დგება“, - ამის შესახებ საქართველოს პრეზიდენტმა გიორგი მარგველაშვილმა „მაესტროს“ ეთერში განაცხადა.

მისი თქმით, როდესაც მთელი სახელისუფლებო ვერტიკალი ერთი პარტიის ხელშია კონცენტრირებული, ეს საშიშროებას წარმოადგენს.

„როდესაც შენ, მთელი სახელისუფლებო ვერტიკალი კონცენტრირებული გაქვს ერთი პარტიის ხელში, ეს საშიშროებაა და იმდენად ტრივიალური ჭეშმარიტებაა, რომელზეც დღეს უკვე ჩვენი პარტნიორები საუბრობენ. ძალიან მარტივ ჭეშმარიტებას ვლაპარაკობ. მე მინდა საზოგადოებამ იცოდეს, რომ როდესაც არ არის მაკონტროლებელი და დამაბალანსებელი, ანა-ბანას ვლაპარაკობ, მაშინ ნებისმიერი პოლიტიკური ძალისთვის ძალიან ძნელი პერიოდი დგება. ასეთი ძნელი პერიოდი დამდგარა „მოქალაქეთა კავშირისთვის“, „ნაციონალური მოძრაობისთვის“, მე არ მინდა, რომ ხელისუფლების კონსოლიდაციით და საკუთარი სიძლიერით აღფრთოვანებულმა „ქართულმა ოცნებამ“ ამ რთულ გზაზე დაიწყოს სვლა. არც „ქართული ოცნებისთვის არ მინდა და არც ჩვენი საზოგადოებისთვის“, - განაცხადა გიორგი მარგველაშვილმა.

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა