ლას-ვეგასელი თავდამსხმელი სტივენ პედოკი მასობრივ მკვლელობას სავარაუდოდ ჯერ კიდევ სექტემბერში გეგმავდა, - ამის შესახებ The Daily Beast სანდრო წყაროზე დაყრდნობით იუწყება.

მედია საშუალების ინფორმაციით, პედოკს თავდასხმის განხორციელება მუსიკალურ ფესტივალ Life Is Beautiful-ზე უნდოდა.

მედიის ცნობით, სექტემბერში პედოკმა ბინა იმ შენობაში იქირავა, რომლის ფანჯრებიც ამ ფესტივალის მოედანზე გადიოდა. უცნობია, რატომ გადაიფიქრა მკვლელმა ამ გეგმის განხორციელება. ერთ-ერთი ვერსიით, მას ნერვებმა უმტყუნა ან უბრალოდ გეგმები შეეცვალა.

შეგახსენებთ, რომ 2 ოქტომბერს ლას-ვეგასში, მუსიკალურ ფესტივალზე სროლა იყო, რის შედეგადაც 59 ადამიანი დაიღუპა, 527 კი, დაშავდა. 64 წლის სტივენ პედოკმა სასტუმროს ნომრიდან ფესტივალზე შეკრებილ მოსახლეობას ცეცხლი გაუხსნა. თავდამსხმელი ლიკვიდირებულია. მისი სახლის ჩხრეკისას პოლიციამ 42 ერთეული იარაღი აღმოაჩინა. მოგვიანებით მომხდარზე პასუხისმგებლობა "ისლამურმა სახელმწიფომ" აიღო. ტერორისტების თქმით, პედოკი მათი "ჯარისკაცია", რომელიც დაჯგუფებაში რამდენიმე თვის წინ გაწევრიანდა. თუმცა, პოლიცია ამ ინფომრაციას არ ადასტურებს, პედოკსა და ტერორისტებს შორის კავშირის არ არსებობის გამო.

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ