უკრაინის მთავარი პროკურორის ყოფილი მოადგილის დავით საყვარელიძის ინფორმაციით, ქვეყნის პრეზიდენტი პეტრო პოროშენკო მისთვის მოქალაქეობის ჩამორთმევას აპირებს, - ამის შესახებ უკრაინული პარტია "აზალი ძალების" წევრი Facebook-ის საკუთარ გვერდზე წერს.

როგორც საყვარელიძემ აღნიშნა, მას გული შესტკივა ქვეყანაზე, რომელსაც კლინიკური პარანოიით დაავადებული ადამიანი მართავს.

"სულ ახლახანს მივიღე არაოფიციალური და ჯერ დაუზუსტებელი ინფორმაცია იმის შესახებ, რომ პეტრო პოროშენკო აპირებს მოქალაქეობა ჩამომართვას მე და კიდევ რამდენიმე მისადმი არალოიალურ პირს, ვისაც 2 წლის წინ ეს მოქალაქეობა მანვე მოგვანიჭა. მე ძალიან მაშინებს ჩვენი ქვეყნის ბედი, რომელსაც კლინიკური პარანოიით დაავადებული ადამიანი მართავს. ეს ადამიანი მთავარსარდალიც, კონსტიტუციის გარანტიც და ომის მონაწილე ქვეყნის ლიდერიცაა. არ დაგიმალავთ, ველოდებოდი მოვლენების ასეთ განვითარებას, მაგრამ ბოლო მომენტამდე ვფიქრობდი, რომ პოროშენკო საკუთარი იმიჯისა და რეპუტაციისთვის ასეთ დამაზიანებელ გადაწყვეტილებას არ მიიღებდა. ადამიანის სახელმწიფოსთან დამაკავშირებელი ყველაზე მთავარი სიმბოლოს - პასპორტისა და მოქალაქეობის ფეხქვეშ გათელვა ძალიან ცუდი საქციელია. მოექცე მას ისე თითქოს ის შოკოლადის ფაბრიკა "როშენის" პროდუქტი იყოს - ძალიან მდაბიო საქციელია.  ეს არ შეშვენის არც მამაკაცს, არც პრეზიდენტს და არც მთავარსარდალს. ვიდრე ხელისუფლებაში ღირსეული ხალხი არ მოვა და ქვეყანაში სამართლიანი სასამართლო არ შეიქმნება, მე იძულებული ვიქნები მოქალაქეობის აღდგენისთვის ახლანდელ ფსევდოდემოკრატიულ სასამართლოებში ვიბრძოლო. ვრჩები Facebook-ის მსოფლიო მოქალაქედ", - წერს საყვარელიძე.

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ