"თურქეთი  არასტაბილური ქვეყანაა, როგორც გერმანული ინვესტიციებისთვის, ასევე გერმანიის მოქალაქეებისთვის" - ამის შესახებ გერმანიის საგარეო საქმეთა მინისტრმა ზიგმარ გაბრიელმა განაცხადა. მისივე თქმით, გერმანია გადახედავს ინვესტიციების პოლიტიკას თურქეთის რესპუბლიკაში.

"არავის არ ურჩევ, ინვესტიცია მოახდინოს ეკონომიკაში, სადაც არ მუშაობს სამართლებრივი თანასწორობის პრინციპი. ქვეყანაში სადაც კომპანიებს ტერორისტულ ორგანიზაციებად აცხადებენ და ადამიანებს უაპელაციოდ იჭერენ, ასეთ ქვეყანასთან გერმანიას არ შეიძლება კარგი ურთიერთობა ჰქონდეს. ჩვენ იმედი გვაქვს, რომ თურქეთში დაცული იქნება, სიტვის და გამოხატვის თავისუფლება. შემოქმედების თავისუფლების უფლება. ჩვენ დაინტერესებული ვართ, თურქეთის ხელისუფლებასთან თანამშრომლობასა და მეგობრობაზე. თუმცა ტანგოს ცეკვავს ორი" - განაცხადა ზიგმარ გაბრიელმა.

გერმანიის საგარეო მინისტრის განცხადებას პრეზიდენტ ერდოღანის წარმომადგენელი, იბრაგიმ კალინი გამოეხმაურა. მისი განცხადებით, გერმანული მხარის ნაბიჯი არის თურქული სასამართლო სისტების აშკარა უპატივცემულობა. "არავის დავუთმობთ ჩვენს თავისუფლებას" - დასძინა ერდოღანის წარმომადგენელმა.

გერმანიასა და თურქეთს შორის ურთიერთობა ბოლო დღეების განმავლობაში განსაკუთრებით დაიძაბა. გერმანული პრესა ამტკიცებს, რომ პრეზიდენტ ერდოღანის გადაწყვეტილებით, დაკავებული იქნა გერმანელი რეჟისორი პიტერ შტოინერი, მას ბრალად ტერორისტულ ორგანიზაციასთან თანამშრომლობა ედება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა