2017-07-06 11:25:19, 2667 ნახვა
პოლიტიკა
გიორგი მღებრიშვილი ტალინში მინისტერიალზე გაემგზავრა
საქართველოს შინაგან საქმეთა მინისტრი ესტონეთში გაემგზავრა.
შსს-ს ინფორმაციით, გიორგი მღებრიშვილი ტალინში, ევროკავშირისა და აღმოსავლეთ პარტნიორობის ქვეყნების შინაგან საქმეთა და იუსტიციის მინისტრების შეხვედრაში მიიღებს მონაწილეობას.
მინისტერიალზე სამართალდაცვით სფეროში განხორციელებული რეფორმების, კიბერდანაშაულის წინააღმდეგ ბრძოლის, მიგრაციისა და საზღვრის მართვის საკითხებს განიხილავენ.
ტალინში ოფიციალური ვიზიტის დროს, გიორგი მღებრიშვილი პირისპირ შეხვედრებს გამართავს ევროკავშირის 7 წევრი ქვეყნის შინაგან საქმეთა მინისტრებთან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
