ამერიკის შეერთებული შტატები მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს საერთაშორისოდ აღიარებულ საზღვრებში, ისევე როგორც მის არჩევანს - საკუთარი მომავალი დაუკავშიროს თავისუფალ ერებს, - ამის შესახებ აშშ-ის სახელმწიფო მდივნის რექს ტილერსონის განცხადებაშია ნათქვამი.

ტილერსონმა, აშშ-ის მთავრობის სახელით, ქართველ ხალხს დამოუკიდებლობის აღდგენის 26 წლისთავს მიულოცა, რომელიც ამერიკა-საქართველოს ორმხრივი თანამშრომლობის 25 წლის იუბილეს ემთხვევა. 

„ჩვენ ვაფასებთ საქართველოს, როგორც ერთგულ პარტნიორს და ველოდებით საერთო ინტერესებსა და ფასეულობებში წინსვლას. ამერიკის შეერთებული შტატები განსაკუთრებით მადლიერია იმ ქართველი ჯარისკაცების მსხვერპლის, რომლებიც ჩვენთან ერთად მსახურობენ ავღანეთში, თუ მსოფლიოს სხვა წერტილებში. 

ერთად ვზეიმობთ საქართველოს წარმატებებს და ვგლოვობთ მათ, ვინც ტერორიზმთან ბრძოლას შეეწირა. საქართველო განაგრძობს სხვების ინსპირირებას საკუთარი ლიდერობით და ჩვენი საერთო დემოკრატიული პრინციპების ერთგულებით.

ვიმედოვნებთ, რომ ჩვენი თანამშრომლობა და მეგობრობა კიდევ მრავალ წელს გაგრძელდება იმისთვის, რომ ჩვენი ქვეყნებისთვის უფრო მეტ სტაბილურობასა და კეთილდღეობას მივაღწიოთ“, - ნათქვამია განცხადებაში.

ცნობისთვის, აღნიშნული განცხადება საქართველოს დამოუკიდებლობის 26 წლისთავისა და ამერიკა-საქართველოს 25-წლიანი ურთიერთობების თარიღთან დაკავშირებით გავრცელდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ