ლეილა მუსტაფაევა, საქართველოს მოქალაქეობის მიღებასთან დაკავშირებით, პრემიერ-მინისტრის განცხადებას გამოეხმაურა. 

აზერბაიჯანელი ჟურნალისტის მეუღლემ აღნიშნა, რომ მას არ სურს აზერბაიჯანის მოქალაქეობაზე უარის თქმა, რაც საქართველოს მოქალაქეობის მინიჭების შედეგად მოხდება. 

„მე უარს ვამბობ საქართველოს მოქალაქეობის მიღებაზე. ეს ნიშნავს რომ მე უარი უნდა ვთქვა აზერბაიჯანის მოქალაქეობაზე, რაც არ მსურს. თუ მსურდა საქართველოს მოქალაქეობა, მე ამას ადრე გავაკეთებდი. გასულ წელს მე ბინადრობის უფლების მიღებაზე მივმართე ქართულ მხარეს, რაზეც მითხრეს, რომ თქვენ სახიფათო საქმეებით ხართ დაკავებული და ეს საქართველოს ინტერესებში არ შედისო. ახლა აღარ ვარ სახიფათო, რაც ჩემი ქმარი დაიჭირეს? არაა საჭირო შოუების მოწყობა, ჯობია სამართალდამცავებს მიმართონ რომ გამოიძიონ საქმე ისე როგორც საჭიროა“, - განაცხადა ლეილა მუსტაფაევამ.  

შეგახსენებთ, რომ დღეს გიორგი კვირიკაშვილმა სპეციალური განცხადება გაავრცელა, რომელშიც საქართველოს პრეზიდენტს აზერბაიჯანელი ჟურნალისტის ოჯახისთვის საქართველოს მოქალაქეობის მინიჭება სთხოვა. 

რამდენიმე წუთის წინ, აღნიშნულს საქართველოს პრეზიდენტის ადმინისტრაციის უფროსი გიორგი აბაშიშვილი გამოეხმაურა და განაცხადა, რომ სპეციალური დოკუმენტაციით მიმართვის შემთხვევაში, პრეზიდენტი აფგან მუხტარლის ოჯახს საქართველოს მოქალაქეობას მიანიჭებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს