„ყურადღებით ვადევნებთ თვალყურს და გვაქვს მოლოდინი, რომ ეს საკითხი გაირკვევა“,-ასე გამოეხმაურა ევროკავშირის ელჩი საქართველოში იანოშ ჰერმანი აზერბაიჯანელი ჟურნალისტის აფგან მუხთარლის საქმეს.

 ჰერმანის განცხადებით, არის მოლოდინი, რომ ჟურნალისტის საქმესთან დაკავშირებით უფრო მეტი ინფორმაცია გახდება ცნობილი.

"ვუერთდები იმ წუხილსა და გამონათქვამებს, რომელიც ეხება აზერბაიჯანელი ჟურნალისტის საქმეს. ჩვენ ვამბობთ, რომ ის აზერბაიჯანელი ჟურნალისტი და აქტივისტია. ის აზერბაიჯანელია, მაგრამ საქართველოში ცხოვრობდა. ჩვენ ყურადღებით ვადევნებთ თვალყურს და ვიგებთ ინფორმაციას, რომელსაც საზოგადოებას აწვდიან მთავრობა, არასამთავრობო ორგანიზაციები, სახალხო დამცველი, პოლიტიკური პარტიები. გვაქვს მოლოდინი, რომ ფაქტები დადგინდება და ეს საკითხი გაირკვევა", - განაცხადა ჰერმანმა. 

ჰერმანის განცხადებით, დასაფასებელია საქართველოს ხელისუფლების ძალისხმევა, დაიცვას ადამიანის უფლებების მაღალი სტანდარტი. 

„ნამდვილად წუხილს გამოვთქვამთ ამ ფაქტთან დაკავშირებით, ასევე ჩვენ ძალიან დიდი ყურადღებით ვაკვირდებით ამ ფაქტს და იმედი გვაქვს, რომ საქმე ბოლომდე იქნება მიყვანილი. პირველ რიგში, უნდა დადგინდეს ფაქტები სრულად და ამის შემდეგ გახდება შესაძლებელი ნებისმიერი დასკვნის გაკეთება", - განაცხადა ჰერმანმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს