საქართველოს მთავრობის 2016 წლის 18 აგვისტოს N1704 განკარგულებით, „საქართველოში C ჰეპატიტის ელიმინაციის 2016-2020 წლების ეროვნული სტრატეგია“ დამტკიცდა, რომელიც სკრინინგული ღონისძიებების ფართოდ დანერგვას და მოსახლეობის ხელმისაწვდომობის გაზრდას ითვალისწინებს.

აჭარის ჯანდაცვის სამინისტროს ცნობით, სტრატეგიის ფარგლებში, იმისათვის, რომ С ჰეპატიტის საყოველთაო სკრინინგით შესაძლებელი გამხდარიყო, აქტიური ინფექციის მატარებელი პირების გამოვლენის გაზრდა და დროული რეფერალი მკურნალობის პროგრამაში, საქართველოს მთავრობის 2016 წლის 17 ივნისის N272 დადგენილებით „C ჰეპატიტის მართვის სახელმწიფო პროგრამას“ დაემატა სკრინინგული კვლევის კომპონენტი, რომლის მიმწოდებელთა რიცხვს საქართველოს მთავრობის 2016 წლის 30 დეკემბრის N633 დადგენილებით დაემატა საზოგადოებრივი ჯანდაცვის ცენტრები.

გამოვლენილი ინფიცირებული პირი ჩაერთვება სახელმწიფო პროგრამაში, რომლის დიაგნოსტიკასა და მკურნალობის პროცესის მონიტორინგის მიზნით, აუცილებელი კვლევების თანადაფინანსებას უზრუნველყოფს სსიპ აჭარის ა.რ. საზოგადოებრივი ჯანდაცვის ცენტრი (აჭარის ა.რ. მუნიციპალიტეტებში რეგისტრირებული მოქალაქეებისათვის), ქალაქ ბათუმის მერია (ქალაქ ბათუმში რეგისტრირებული მოქალაქეებისათვის).

აქციის თანამონაწილეები არიან: სსიპ დაავადებათა კონტროლისა და საზოგადოებრივი ჯანმრთელობის ეროვნული ცენტრის აჭარის სამმართველო, არასამთავრობო ორგანიზაცია კავშირი ,,იმედი“.

უფასო ტესტირება ჩატარდება 29 მაისი-2 ივნისის პერიოდში:

29 მაისი 13:00 – 15:00 სთ - ბათუმი, გორგილაძის ქუჩის ბოლო (საცხოვრებელი კორპუსის ეზო);

30 მაისი 12 :00- 15:00 სთ - მაკდონალდსის მიმდებარე ტერიტორია

31 მაისი 15:00 – 18: სთ - სასტუმრო ,,ერა პალასი“. სსიპ აჭარის ა.რ. საზოგადოებრივი ჯანდაცვის ცენტრის მიერ დაგეგმილი კონფერენციის (თამბაქოს მსოფლიო დღე) პარალელურად, აუდიტორია: უნივერსიტეტი, რესურს-ცენტრი, სკოლების პედაგოგები და უფროსკლასელები.

1 ივნისი 12:00 – 15:00 სთ - დაბა ჩაქვი;

2 ივნისი 13:00 – 15:00 სთ - გორგილაძის ქუჩაზე მდებარე სილამაზის სალონები.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ნიკოლოზი: მიმაჩნია, რომ ქვეყანაში სინდისის პატიმრები და პოლიტიკური პატიმრები საერთოდ არ უნდა იყვნენ

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა