გარემოსდაცვითი ზედამხედველობის დეპარტამენტი, სოციალური ქსელის ერთ-ერთ ჯგუფში, მელიის ლეკვებისადმი სასტიკი მოპყრობის ამსახველ ვიდეომასალას ეხმაურება და განმარტავს, რომ ქვემო ქართლის რეგიონული სამმართველოს თანამშრომლებმა ოპერატიული ღონისძიებები გაატარეს.

როგორც განცხადებაშია აღნიშნული, დეპარტამენტის თანამშრომლებმა ვიდეოზე ასახული პირის იდენტიფიცირება მოახდინეს.

„წალკის მუნიციპალიტეტის, სოფელ კუშში მცხოვრებ მოქალაქე დ.ნ.-ს ჩამოერთვა ახსნა-განმარტება.

მისი განმარტებით, მელია უნადგურებდა შინაურ ფრინველს, რის საფუძველზეც მოქალაქე დაურეგისტრირებელი სანადირო თოფით დაედევნა ცხოველს.  მელიის ლეკვები მისმა მონადირე  ძაღლმა ამოიყვანა სოროდან,  ამიტომაც აღენიშნებათ ლეკვებს დაზიანებები სოციალურ ქსელში გავრცელებულ ვიდეომასალაში. 

შედგა ადმინისტრაციული სამართალდარღვევის შესახებ ოქმი. მოქალაქეს ჩამოერთვა და დაილუქა სანადირო იარაღი.  მასალები შემდგომი რეაგირებისათვის გადაეგზავნება შესაბამის ორგანოს“, - ნათქვამია დეპარტამენტის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია