ამერიკის შეერთებული შტატების დემოკრატიული პარტიის წევრი და ქვეყნის პრეზიდენტობის ყოფილი კანდიდატი ჰილარი კლინტონი ახალ პოლიტიკურ ორგანიზაციას ქმნის, - ამის შესახებ ჰილარი კლინტონმა Twitter-ის საკუთარ გვერდზე დაწერა. 

როგორც კლინტონი წერს, ორგანიზაციის ძირითადი მიზანი მისი წინასაარჩევნო კამპინიის დროს არსებული ინიციატივების მხარდაჭერაა.

"ვიწყებთ ახალ მოძრაობას, რათა ხალხი პოლიტიკურ პროცესებში მონაწილეობას იღებდეს და თავიანთი ქმედებების კოორდინირებას ახდენდეს. ვიცი რისთვისაც ვიბრძვი: კეთილი და დიდი გულის მქონე ამერიკისთვის ", - წერს კლინტონი Twitter-ის გვერდზე. 

ჰილარი კლინტონმა ორგანიზაციის სახელიც დაანონსა: წინ ერთად! (Onward Together).

მისივე თქმით, დემოკრატიისთვის მოქალაქეთა ჩართულობა აუცილებელია. მისი ორგანიზაცია კი მხარს დაუჭერს არაკომერციულ უფლებადამცველ ორგანიზაციებს, რომლებიც რასობრივი თანასწორობისა და სისხლის სამართლის რეფორმირებისთვის იბრძვიან. ასევე, ისეთ ორგანიზაციებს, რომლებიც ქალებს პოლიტიკურ ასპარეზზე საკუთარი კანდიდატურის წარდგენას ასწავლის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს