საქართველოს პრეზიდენტმა  გიორგი  მარგველაშვილმა კონსტიტუციური ცვლილებების საყოველთაო-სახალხო განხილვაზე  მანდატების განაწილების წარმოდგენილ წესზე ისაუბრა.

მისი თქმით, ოპოზიციური პარტიებისთვის ახალი წესი მიუღებელია და ასევე ეწინააღმდეგებიან საარჩევნო ბლოკების აკრძალვას. მარგველაშვილის შეფასებით, მათი პოზიციების გათვალისწინება მნიშვნელოვანია:

„არასამთავრობო ორგანიზაციები შეიკრიბნენ ჩვენთან თბილისში, პრეზიდენტის ადმინისტრაციაში და მივიდნენ ერთიან ხედვამდე, რა ტიპის საარჩევნო სისტემა უნდა ყოფილიყო. ჩვენ უნდა გვქონოდა რეგიონალურ-პროპორციული საარჩევნო სისტემა, ეს იყო ის საპარლამენტო ინიციატივა, რომელის დღესაც რეალურია. ჩვენ უნდა გადავსულიყავით პროპორციულ საარჩევნო სისტემაზე და ეს ამ კონსტიტუციაში უზრუნველყოფილია, მაგრამ შიგნით არის ჩადებული ისეთი სისტემა, რომელიც ჩემზე და ბევრ ადამიანზე არ ტოვებს შთაბეჭდილებას, რომ ეს არის სამართლიანი სისტემა. რა არის არჩევნების სამართლიანობის განმსაზღვრელი? ხმა ქმნის ხელისუფლებას და ამ ხმების გათვალისწინება ქმნის დემოკრატიას.5%-იანი ბარიერი ოპოზიციური პარტიებისთვის პრობლემურად მაღალია, შემდგომი ნაბიჯი ბლოკების უარყოფა, მათთვის ესეც მიუღებელია, როცა ამის ლეგიტიმაცია ხდება ისე, რომ ამითი ჩვენ ხელს ვუწყობთ ოპოზიციურ პარტიებს, ეს ოპოზიციური პარტიები ხომ არ არიან გასულები მომსახურებიდან, ჰკითხეთ, რა უნდათ, როგორ უნდათ რომ ხელი შევუწყოთ. ჩემთვის მიუღებელია ბონუსის სისტემა. ანუ რაღაცა ზემიზნის, დემოკრატიის პრინციპის, რომ შენი ხმა შენია და შენ გადაწყვეტ ვის მისცემ, ამის მაგივრად სხვისი ხმების სხვებისთვის მიცემა. ჩემთვის მთავარი ღირებულება არის ის ერთი ხმა, რომელიც ამომრჩეველმა საარჩევნო უბანში შემოხაზა“,-აღნიშნა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს