2017-05-04 12:36:51, 1947 ნახვა
კომენტარი
ალექსანდრე ჯეჯელავა: ჩემს ოცნებაში სკოლის შესასვლელში ვაშლები უფასოა
განათლებისა და მეცნიერების მინისტრის ალექსანდრე ჯეჯელავას სურვილია, სკოლის შესასვლელში ვაშლიანი თასი იდგას.
ჯეჯელავას განმარტებით, მსგავსი პროექტი შვედეთში მოქმედებს. მინისტრის ეს ინიციატივა სკოლის ბუფეტებში არაჯანსაღი საკვების აკრძალვასთანაა დაკავშირებული. ჯეჯელავას განცხადებით, ვაშლები უფასო იქნება:
„შვედეთშია ასეთი პროექტი და სხვა ქვეყნებშიც. ჩემს კოლეგას ვესაუბრები ამ თემაზე და დიდი იმედი მაქვს, ეს ოცნება ჯერ ნაწილ სკოლებში გადაიქცევა რეალობად და შემდეგ საბოლოო ჯამში ყველა სკოლაში. ჩემს ოცნებაში ეს ვაშლები უფასოა. დათვლილი ხარჯები არ მოყოლია ოცნებას, თუმცა აუცილებლად დავთვლით, როცა განხორციელების ეტაპზე გადავალთ“,-განაცხადა ალექსანდრე ჯეჯელავამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
