საპარლამენტო ფრაქცია „ქართული ოცნების“ თავმჯდომარე მამუკა მდინარაძე პრეზიდენტის ადმინისტრაციის გადაწყვეტილებას, ჩაერთოს საკონსტიტუციო ცვლილებების საერთო სახალხო განხილვაში მიესალმება.

როგორც მდინარაძემ ჟურნალისტებს განუცხადა, მნიშვნელოვანია დაკონკრეტდეს, რა ფორმით ჩაერთვებიან ისინი ამ პროცესში.

„პრეზიდენტის ადმინისტრაციის მხრიდან ძალიან კარგია იმის აღიარება, რომ საყოველთაო სახალხო განხილვები ხალხთან კონტაქტის ერთადერთი ლეგიტიმური ფორმატია. თუმცა, აუცილებლად მიმაჩნია, დაკონკრეტდეს, რა ფორმით ჩაერთვებიან ისინი საყოველთაო სახალხო განხილვაში - პრეზიდენტი თავად ივლის საპარლამენტო უმრავლესობასთან, პარლამენტის თავმჯდომარესთან ერთად, თუ ამაში ჩაერთვებიან მისი წარმომადგენლები სხვა ფორმით. ანუ მან უნდა დააკონკრეტოს მონაწილეობის ფორმა და ამის შემდეგ, ჩვენ მივიღებთ გადაწყვეტილებას. ზოგადად, ძალიან კარგია, რომ მან ასეთი სურვილი გამოხატა“, -აღნიშნა მდინარაძემ.

ცნობისთვის, პრეზიდენტის ადმინისტრაცია საკონსტიტუციო ცვლილებების საერთო სახალხო განხილვაში მონაწილეობაზე პარლამენტის შეთავაზებას ელოდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს