საქართველოს პარლამენტის თავმჯდომარე ირაკლი კობახიძე აშშ-ს კონგრესმენების დონალდ ტრამპისადმი  მიმართვას გამოეხმაურა.

კობახიძის თქმით, ეს კიდევ ერთხელ ცხადყოფს ძალიან მჭიდრო სტრატეგიულ ურთიერთობას, რომელიც საქართველოსა და აშშ-ს აკავშირებს.

პარლამენტის სპიკერის განმარტებით, აშშ  საქართველოს მთავარი სტრატეგიული  პარტნიორი ქვეყნაა. მან იმედი გამოთქვა,  სტრატეგიული ურთიერთობა კიდევ უფრო გაღრმავდება.

„როგორც მოგეხსენებათ, 30-მა კონგრესმენმა მიმართა აშშ-ს პრეზიდენტს, რითაც გამოხატა ძალიან მტკიცე მხარდაჭერა ჩვენი ქვეყნისადმი. წერილში ხაზგასმულია მტკიცე სტრატეგიული პარტნიორობა,  რომელიც აკავშირებს ჩვენს ორ ქვეყანას. ხაზგასმულია ის დემოკრატიული  და ეკონომიკური რეფორმები, რომლებიც ამ წელების განმავლობაში ტარდება ჩვენს ქვეყანაში და საქართველო მოხსენიებულია როგორც აშშ-ს მტკიცე და სანდო პარტნიორი. ხაზგასმულია ასევე  ჩვენი ქვეყნის როლი გლობალური უსაფრთხოების  უზრუნველყოფის  სფეროში. მნიშვნელოვანია ჩვენთვის, რომ ნატო-სთან დაკავშირებით არის მკაფიო ჩანაწერი. მოუწოდებენ კონგრესმენები პრეზიდენტ ტრამპს, რომ მხარი დაუჭიროს საქართველოს გაწევრიანებას ჩრდილოატლანტიკურ სახელშეკრულებო ორგანიზაციაში. ასევე ძალიან მნიშვნელოვანია ჩანაწერი, სადაც საუბარია თავისუფალი ვაჭრობის შესახებ შეთანხმებაზე მოლაპარაკების დაწყების თაობაზე“,-აღნიშნა ირაკლი კობახიძემ.

შეგახსენებთ, ამერიკელმა კონგრესმენებმა დონალდ ტრამპს საქართველოს მხარდამჭერი წერილით მიმართეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს