,,სასიხარულოა, რომ საზოგადოების მობილიზებამ და ზეწოლამ გამოიღო შედეგი და დღეს დილით ჩვენთვის ცნობილი გახდა, რომ ,,ღამის მგლების’’ 50-მდე  წარმომადგენელს უარი ეთქვა საქართველოს ტერიტორიაზე შემოსვლაზე’’,-ამის შესახებ მოძრაობა "თავისუფლებისთვის-ევროპული საქართველოს" წევრმა გიორგი კანდელაკმა  განაცხადა.

დეპუტატის თქმით,  ფრაქცია მოუწოდებს მთავრობას შეწყდეს საქართველოს შიგნით პრორუსული დაჯგუფებების წახალისების პოლიტიკა.

,,ჩვენ გუშინ მოვუწოდეთ საქართველოს მთავრობას და შსს-ს, რომ არ შემოეშვათ საქართველოს ტერიტორიაზე რუსული ექსტრემისტული დაჯგუფება ,,ღამის მგლები’’, რომლებიც აპირებდნენ ჩამოსვლას 9 მაისისთვის. მოვითხოვთ, რომ დაჯგუფების დანარჩენ წევრებსაც ასევე უარი ეთქვას ჩვენს ქვეყანში შემოსვლაზე. მოგეხსენებათ, ეს ექსტრემისტული დაჯგუფება არის პირდაპირ დაკავშირებული ვლადიმერ პუტინთან და ფინანსდება რუსეთის პრეზიდენტის ადმინისტრაციის მიერ.  ,,ღამის მგლები’’ ასევე არ შეუშვეს ევროპის სხვადასხვა ქვეყნის ტერიტორიაზე, ასეთი ერთ-ერთია პოლონეთი. დაჯგუფების წევრები იქცევიან უაღრესად გამომწვევად, შეურაცხყოფას აყენებენ ჩვენს სუვერენიტეტს, დამოუკიდებლობას და არ სცემენ პატივს ჩვენი ქვეყნის ტერიტორიულ მთლიანობას. მოვუწოდებთ მთავრობას, შეწყდეს ჩვენი ქვეყნის შიგნით პრორუსული დაჯგუფებების წახალისების სამწუხარო პოლიტიკა, რომელიც ჯერ კიდევ გრძელდება“, - განაცხადა გიორგი კანდელაკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს