2017-04-27 17:07:18, 2460 ნახვა
მსოფლიო
„არც ლე პენი, არც მაკრონი“ - საფრანგეთში სკოლის მოსწავლეები საპროტესტო აქციებს მართავენ
საფრანგეთში სკოლის მოსწავლეები დევიზით „არც ლე პენი, არც მაკრონი“ საპროტესტო აქციებს მართავენ, - ამის შესახებ AFP იუწყება.
მედია საშუალების ინფორმაციით, პარიზის რამდენიმე ლიცეუმი უფროსკლასელების მიერ არის ბლოკირებული.
მოსწავლეებმა საფრანგეთის საპრეზიდენტო არჩევნების მეორე ტურში გასული კანდიდატების, მარინ ლე პენის და ემანუელ მაკრონის წინააღმდეგ საპროტესტო აქცია გამართეს.
France Press-ის ცნობით, საპროტესტო აქციის გამო, 4 ლიცეუმმა დღეს სასწავლო პროცესი შეწყვიტა, 6 ლიცეუმი კი ნაწილობრივ არის ბლოკირებული.
როგორც მედია წერს, საერთო ჯამში, დაახლოებით 20 ლიცეუმში საპროტესტო აქციის მოწყობის მცდელობა იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
