ვიცე-პრემიერმა, ენერგეტიკის მინისტრმა კახა კალაძემ საკონსტიტუციო კომისიის მუშაობა შეაფასა.

როგორც კალაძემ აღნიშნა, კომისიამ შრომატევადი სამუშაო განახორციელა. იგი დარწმუნებულია, რომ მიიღებენ ისეთ კონსტიტუციას, რომელიც ქვეყანას სჭირდება.

„ბოლო ინფორმაცია არ მაქვს კონკრეტული პარტიების, თუ პიროვნებების პოლიტიკურ გადაწყვეტილებებზე, თუმცა გავრცელებული იყო ინფორმაცია, რომ გარკვეული არასამთავრობოები და კონკრეტული პიროვნებები კომისიის დატოვებას გეგმავდნენ.  ეს იქნებოდა მათი მხრიდან პოლიტიკური ნაბიჯი, რომ ბოიკოტს უცხადებდნენ საკონსტიტუციო კომისიას. ცხადია, კომისიამ შრომატევადი სამუშაო განახორციელა. ექსპერტები, პოლიტიკური პარტიები, არასამთავრობო ორგანიზაციები იყვნენ ჩართული ამ პროცესში. მთავარი და მნიშვნელოვანი არის ის, რომ ჩვენ მივიღოთ ისეთი კონსტიტუცია, რომელიც ჩვენს ქვეყანას სჭირდება. შესაბამისად, ვენეციის კომისია როდესაც დაიწყებს განხილვას, ალბათ, იქნება რეკომენდაციები მათი მხრიდან და შესაბამისად იქნება ყველაფერი გათვალისწინებული. თუმცა, მე დარწმუნებული ვარ, საკონსტიტუციო კომისია მიიღებს ისეთ კონსტიტუციას, რომელიც იქნება გასწორებული, რომელიც სჭირდება ჩვენს ქვეყანას“, - აღნიშნა კახა კალაძემ. მისივე აზრით, ლეგიტიმაციის მიმართულებით პრობლემა არ შეიქმნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს