„მე კონსულტაციას გავაგრძელებ ყველა იმ მხარესთან, ვისაც უნდა და აინტერესებს უფრო კარგი კანონმდებლობის შექმნა“, - ამის შესახებ საქართველოს პრეზიდენტმა გიორგი მარგველაშვილმა ფარულ მოსმენებთან დაკავშირებულ კანონმდებლობაზე საუბრისას ჟურნალისტებს განუცხადა.

როგორც პრეზიდენტმა აღნიშნა, საზოგადოების აქტიური ჩართულობა კანონის განხილვაში, დაბალანსებული და დემოკრატიული კანონმდებლობის წინაპირობაა. 

„ჩვენ ვხედავთ, რომ საზოგადოება აქტიურადაა ჩართული ამ კანონის განხილვაში. ეს არის წინაპირობა ნორმალური, დაბალანსებული, დემოკრატიული კანონმდებლობის მიღების თვალსაზრისით. ჩვენ ვნახეთ არასამთავრობო ორგანიზაციების, არასაპარლამენტო პარტიების, ბიზნეს სექტორის, საპარლამენტო სექტორის აქტიურობა და, ასეთი ტიპის ჩართულობა ყოველთვის განაპირობებს პროცესის სიჯანსაღეს და დარწმუნებული ვარ, რომ ამ პროცესის ბოლო იქნება ძალიან ადეკვატური კანონმდებლობა საქართველოსთვის. 

მე არაერთხელ გამიგია, რომ თითქოს აქ არის დილემა სახელმწიფო ინტერესებსა და ინდივიდუალურ უფლებებს შორის. მინდა, კიდევ ერთხელ, ხაზგასმით ვთქვა, რომ პიროვნების უფლებები და სახელმწიფოს ინტერესები ყოველთვის თანხმობაშია ერთმანეთთან, უბრალოდ, საჭიროა, რომ მივაღწიოთ სწორ ბალანსს და დარწმუნებული ვარ, ამ აქტივობის შედეგად სწორი ბალანსი მიღეწეული იქნება. მე კონსულტაციას გავაგრძელებ ყველა იმ მხარესთან, ვისაც უნდა და აინტერესებს უფრო კარგი კანონმდებლობის შექმნა“, - განაცხადა გიორგი მარგველაშვილმა.

შეგახსენებთ, რომ საქართველოს პრეზიდენტმა გიორგი მარგველაშვილმა ე.წ მოსმენების შესახებ კანონს ვეტო 20 მარტს დაადო. 

პარლამენტმა ე.წ მოსმენებთან დაკავშირებით კანონპროექტზე პრეზიდენტის ვეტო 22 მარტს დაძლია და იმავე დღეს პირვანდელი რედაქციით დაამტკიცა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს