პარლამენტის თავმჯდომარე ირაკლი კობახიძე ეკონომიკის მინიტრ გიორგი გახარიასთან ერთად ბიზნეს ასოციაციის წარმომადგენლებს ხვდება.

შეხვედრის თემა იმ მოსაზრებებისა და გეგმების განხილვაა, რომელიც საკონსტიტუციო კომისიის მუშაობასთან არის დაკავშირებული.

შეხვედრის დასაწყისში ირაკლი კობახიძემ განაცხადა, რომ დღევანდელი კონსტიტუცია შეიცავს ბევრ ხარვეზს და ეს ხარვეზები ავტოკრატიის ჩამოყალიბების შესაძლებლობას ქმნის.

მისივე თქმით, დღეს მიმდინარეობს მუშაობა ისეთ საკონსტიტუციო მოდელზე, რომელიც საქართველოში ნებისმიერი სახის ავტოკრატიის ჩამოყალიბებას გამორიცხავს.

„გახსოვთ, როგორი იყო წინა რეფორმის კონტექსტი, რა პრობლემები შეიქმნა მაშინ და დღეს ვმუშაობთ ისეთ საკონსტიტუციო მოდელზე, რომელიც გამორიცხავს საქართველოში ნებისმიერი სახის ავტოკრატიის ჩამოყალიბებას. კონსტიტუცია უნდა ემსახურებოდეს ორ ძირითად მიზანს, ესაა პლურალიზმი, დემოკრატიის უზრუნველყოფა და სტაბილური მმართველობის სისტემის შექმნა, ამიტომ ჩვენი მიზანია, საუკეთესო ბალანსი შევქმნათ ამ ორი ძირითადი მიზნის. ჩვენს მიერ პრაქტიკულად უკვე მომზადებული დოკუმენტი ამ ორ ძირითად მიზანს ემსახურება. ჩვენი ამოცანაა, შევინარჩუნოთ დღეს არსებული საპარლამენტო მმართველობა და კიდევ უფრო გავაძლიეროთ ეს სისტემა. ძირითადი მახასიათებლები ამ სისტემის უნდა იყოს ძლიერი პარლამენტი და ქმედითი მთავრობა“, - აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს