ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, ევროკავშირში და შენგენის ტერიტორიაზე საქართველოს მოქალქეებისთვის ერთგვარი ღია კარი არსებობს.

მინისტრის თქმით, უვიზო მიმოსვლა ძალიან მნიშვნელოვანი წინ გადადგმული ნაბჯია.

„იცით უკვე, რომ ხვალიდან დაიწყება უვიზო მიმოსვლა. ეს ძალიან მნიშვნელოვანი წინ გადადგმული ნაბიჯია. ევროკავშირის და შენგენის ტერიტორიაზე საქართველოს მოქალქეებისთვის უკვე არსებობს ერთგვარი ღია კარი, ეს იქნება ხელშემწყობი ფაქტორი  მომავალი ბიზნესურთიერთობების განვითარებისთვის, განათლების, სოციალური, ჰუმანიტარული, თუ სხვა თანამშრომლობის თვალსაზრისით. ამას აქვს მჭიდრო პოლიტიკური  ასოცირებისა და ეკონომიკური ინტეგრაციის თვალსაზრისით ძალიან დიდი დატვირთვა და ბუნებრივია, შემდგომი ნაბიჯები უნდა გადავდგათ ჩვენ ევროპაში. რა თქმა უნდა, მე ხვალ მივემგზავრები. ძალიან მოხარული ვარ, რომ წარჩინებულ სტუდენტებთან ერთად, მექნება საშუალება, ევროპის კულტურის ცენტრში, ათენში,  ვიყოთ ერთად, გავმართოთ ფორმალური და არაფორმალური შეხვედრები, შემდგომ კი გავემგზავრებით ბრიუსელში და მაღალი დონის შეხვედრები გვექნება“,-აღნიშნა ვიქტორ დოლიძემ.

შეგახსენებთ, შენგენის წევრ ქვეყნებში უვიზო რეჟიმი ხვალიდან ამოქმედდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს