პრეზიდენტის ადმინისტრაციაში ეროვნული უშიშროების საბჭოს სხდომა დასრულდა.

სხდომის დასრულების შემდეგ მედიასთან კომენტარი საქართველოს პრეზიდენტმა, გიორგი მარგველაშვილმა გააკეთა.

როგორც ქვეყნის პირველმა პირმა ჟურნალისტებთან საუბრისას აღნიშნა, უშიშროების საბჭოს სხდომაზე შავი ზღვის რეგიონში უსაფრთხოების გარემო განიხილეს. მისივე თქმით, განსანხილველ საკითხთა სიაში ასევე, თავდაცვის სამინისტროში მიმდინარე რეფორმები და ბრიუსელის სამიტზე საქართველოს წარმოჩენა.

"განვიხილეთ თავდაცვის სამინისტროში მიმდინარე რეფორმები და თავდაცვისუნარიანობის გეგმები. ასევე, განვიხილეთ ბრიუსელის სამიტზე საქართველოს საკითხი, წარმოჩენის თვალსაზრისით კოორინირებულად გადასადგმელი ნაბიჯები. იცით, რომ ბრიუსელის სამიტი, არის სამიტი, რომელზეც მარტო ნატო-ს ქვეყნები არიან მოწვეული, შესაბამისად, საქართველოს წინაშე დგება მნიშვნელოვანი ამოცანა, რომ კოორდინირებულად, თავდაცვის და საგარეოს უწყებებმა, უშიშროების საბჭომ, პრემიერმა და პრეზიდენტმა ერთად იმოქმედონ იმისთვის, რომ პარტნიორების მეშვეობით, საქართველოს საკითხს შესაბამისი ყურადღება მიექცეს", - განაცხადა გიორგი მარგველაშვილმა.

ცნობისთვის, პრეზიდენტის ადმინისტრაციაში ეროვნული უშიშროების საბჭოს სხდომა 2 საათზე მეტხანს გრძელდებოდა. სხომას საბჭოს 11 მუდმივი წევრიდან მხოლოდ 6 ესწრებოდა. ჯერძოდ: თავდაცვის მინისტრი ლევან იზორია, პრემიერ-მინისტრი გიორგი კვირიკაშვილი, უშიშროების საბჭოს მდივანი დავით რაქვიაშვილი და ა.შ. 

სხდომას არ ესწრებოდა პარლამენტის თავმჯდომარე ირაკლი კობახიძე. ხოლო, საგარეო საქმეთა მინისტრის მაგივრად სხდომას მინისტრის მოადგილე დავით დონდუა ესწრებოდა.

პრემიერ-მინისტრმა და თავდაცვის მინისტრმა სხდომის დასრულების შემდეგ, მედიასთან კომენტარი არ გააკეთეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს