იუსტიციის მინისტრის მოვალეობის შემსრულებელი ალექსანდრე ბარამიძე „ღია მმართველობის პარტნიორობის“ თანათავმჯდომარეების შეხვედრაში მონაწილეობს. ღონისძიებას საფრანგეთის მთავრობა  მასპინძლობს და ის პარიზში იმართება. საფრანგეთი „OGP“-ის თავმჯდომარე, ხოლო საქართველო თანათავმჯდომარე  ქვეყანაა.

როგორც "ექსპრესნიუსს" იუსტიციის სამინისტროდან აცნობეს, შეხვედრაზე „ღია მმართველობის პარტნიორობის“ თანათავმჯდომარეები სახელმწიფოს რეფორმისა და გამარტივების დარგში საფრანგეთის სახელმწიფო მინისტრი ვინსენტ პლასე და მსოფლიო რესურსების ინსტიტუტის აღმასრულებელი დირექტორი მანიშ ბაპნა მიმდინარე რეფორმებსა და სამომავლო გეგმებზე იმსჯელებენ. საქართველოს, როგორც მომავალი თავმჯდომარე ქვეყნის, მთავრობის გეგმებსა და პრიორიტეტულ მიმართულებებს მმართველ კომიტეტს ალექსანდრე ბარამიძე წარუდგენს.

შეხვედრის მონაწილეები იმსჯელებენ, აგრეთვე, „OGP“-ის, როგორც საერთაშორისო ინიციატივის, გაძლიერების გზებზე, სტრატეგიულ მიზნებსა და მათი რეალიზაციისათვის დაგეგმილ ღონისძიებებზე. საფრანგეთის სახელმწიფო მინისტრი საქართველოს იუსტიციის მინისტრთან ერთად მმართველ კომიტეტს აზერბაიჯანში თებერვალში გამართული სამუშაო შეხვედრების შესახებ ანგარიშსაც წარუდგენს.

„ღია მმართველობის პარტნიორობა“ (OGP) აშშ-ისა და ბრაზილიის პრეზიდენტების ინიციატივით 2011 წელს დაფუძნდა. საქართველო ერთ-ერთი პირველი ქვეყანა იყო, რომელიც 2011 წელს „OGP“-ს შეუერთდა და არაერთი მნიშვნელოვანი რეფორმაც განახორციელა. საქართველოს მთავრობას „OGP“-ის მმართველ კომიტეტში იუსტიციის მინისტრი წარმოადგენს.

„ღია მმართველობის პარტნიორობის“ პროცესებს ეროვნულ დონეზე იუსტიციის სამინისტრო ხელმძღვანელობს. უწყება კოორდინაციას უწევს ღია მმართველობის ეროვნული სამოქმედო გეგმის შემუშავებას, ქვეყნის მასშტაბით საჯარო კონსულტაციების გამართვას, „ღია მმართველობა − საქართველოს ფორუმის“ ფარგლებში სამოქალაქო საზოგადოებასთან ინტენსიური კონსულტაციების წარმართვას. 

საქართველოს, როგორც პარტნიორობის მონაწილე ქვეყნის, წარმატების დადასტურებაა ის, რომ 2014 წელს იგი − „OGP“-ის მმართველი კომიტეტის წევრად, ხოლო 2016 წელს თანათავმჯდომარე სახელმწიფოდ აირჩიეს. 2017 წლის ოქტომბრიდან საქართველო წამყვანი თანათავმჯდომარე ერთი წლის გახდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს