„თუ გვინდა მოვშალოთ დაცვის ყველა ზღვარი და რომანტიული კანონები ვწეროთ - ასეთი უპასუხისმგებლო ნაბიჯები არ იქნება“, - ამის შესახებ პარლამენტის იურიდიულ საკითხთა კომიტეტის თავმჯდომარემ ეკა ბესელიამ განაცხადა.

ბესელიამ ე.წ. ფარული მოსმენების კანონთან დაკავშირებით პრეზიდენტი მოტივირებულ შენიშვნებს უპასუხა:

"ოპერატიულ-ტექნიკური სააგენტო ისედაც აღმასრულებელი ხელისუფლების ქვეშ არის, პრემიერი კი აღმასრულებელ ხელისუფლებას ხელმძღვანელობს და არ მესმის ამ ლოგიკის, რომ სააგენტო პრემიერს უნდა დაექვემდებაროს. რაც შეეხება კომპანიებს. ჩვენ უნდა ვიფიქროთ არა მხოლოდ რომელიმე მხარეზე, არამედ ყველაზე- მოსახლეობაზეც და ბიზნესზეც. მიღებულ კანონში სად წერია, რომ ბიზნესს პრობლემა ექმნება? ჩვენ გვაქვს ფორმულირება, რომლის თანახმადაც სახელმწიფო აიღო ტექნიკური შესაძლებლობებით უზრუნველყოფა“, - განაცხადა ბესელიამ.

მისი თქმით, ტექნიკური და ორგანიზაციული მოწყობა უნდა იყოს იმგვარი, რომ აკმაყოფილებდეს უსაფრთხოების სტანდარტებს.

"უზრუნველვყავით სააგენტოს მაქსიმალური დამოუკიდებლობა. მივიღეთ კანონი, სადაც მაქსიმალური კონტროლი ჩავდეთ, მონაცემთა დაცვის ინსპექტორს კი მივანიჭეთ ისეთი უფლება, რომელიც თითქმის არცერთ ქვეყანაში არ არის", - აღნიშნა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს